урус, сущ.; -ди, -да; -яр, -йри, -йра 1) цӀай кьун патал раснавай гугурт алай шуькӀуь кьал. Амач гьич са спичкани кьутида... А. Ал. Амач гьич... Вагьабалай уф алахьна, ада спичкади каш вичин тупӀар гьавада са шумудра галтадна, ахпа уф гуз абуруз тамашна. М. В. Гьарасатдин майдандал. Синоним: спичкадин кьал. 2) цӀай кьун патал раснавай гугурт алай шуькӀуь кьалар авай кьвати. Рекьин къекъуьн расалмиш жезвай чкадал физ-физ спичкадай нубатдин кьал акъудна, за кам явашарна ва кьал къватидин къвалавай гуьцӀна. Т. А. Мехъер куьтягь тахьанмаз. - ПӀапӀрус цӀайни кутуна вегь, спичкани гвач. М. Б. За бананар недач. Ам мад жибинра къекъвена ва спичка акъудна папӀрусдиз цӀай яна, кумаз-кумаз адаз са шумуд хупӀ авуна. М. В. Гьарасатдин майдандал. Синоним: спичкадин кьвати.
* спичкадин кьал сущ. цӀай кьун патал раснавай гугурт алай шуькӀуь кьал. Спичкадин кьалуни Вагьабан тупӀар кана. М. В. Гьарасатдин майдандал. Чизва, ирид камунаи спичкадин кьал хайи ван къвезва форелдиз. М. Б. За бананар недач Зурзазвай кьурай гъилералди лампадин шуьше алудна, спичкадин кьалуниз цӀай яна. Ж. Гь. Ихтилат. Синоним: спичка.
* спичкадин кьвати сущ. цӀай кьун патал раснавай гугурт алай шуькӀуь кьалар авай кьвати.... столдилай спичкадин кьвати къачуна, къецихъ экъечӀна. Т. А. Мехъер куьтягь тахьанмаз. Синоним: спичка 2).
* спичка ягъун гл., ни спичкадин кьал гугурт алай кьватидин къвалавай гуьцӀна цӀай акъудун. Гурарин кьилел алайда спичка яна, адан бицӀи экуьналди Кондакова фад-фад виниз хкаж хьана. А. А. Умуд.... Къайитмаза вичин сиве авай пӀапӀрус жакьваз-жакьваз, спичка яна Сабиран пӀапӀрусдик цӀай кутуна. З. Э. Рекьер сад туш.