араб, сущ.; - ди, - да; - ар, - ри, - ра са вуч ятӀани чирун паталай масадаз лугьузвай гаф(ар) - Бес чна вучта, суалдиз суалдалди жаваб гана ругуд йис хьанвай Муслима, фиртӀ ийиз нер чӀугунивди. З. Э. Муькъвел гелер. Вичин суалдин къаршида Сарухана вичиз вахкай суалдиз адавай жаваб гуз хъхьанач, нарагьатвал кваз кьил элкьуьриз акъвазна. А. Ф. Риза Антоним: жаваб.
* суал авун гл хабар кьун. Мункар, Инкар ийиз суал къведа, валлагьи-биллагьи. Е. Э. Вил вегьейла дуьньядиз. Синоним: суалун. Антоним: жавабун, жаваб гун.
* суал гун гл., ни низ сада масадавай вичиз тийижир малумат, гьакъикъат адавай чирун патал гафар лугьун. Куьн гьиниз физвайбур я? - эхирни гана за жуван суал. М. Б. Зун кьенвач. Синонимар: суалун, хабар кьун. Антоним: жавабун, жаваб гун.