* туькӀуьр авун гл., ни вуч арадиз гъун. Мугни мани туькӀуьр ийиз атана, Чирна чаз гьакӀ лув гуз яргъал мензилриз. А. С. Телер.
* туькӀуьр хъувун гл., ни вуч 1) къайдадик, дуьз еридик кутун хъувун. Гьуьндуьшкаяр ваъ, чалахьанар, - Ашиман гаф туькӀуьр хъувуна тӀамадиз акъатзавай Гьажиди. А. Къ. Мал цаваравай савдагар ва я рикӀелни алачир командировка. 2) меслят хъувун. - Жечни куьне зунни Буба туькӀуьр хъувуртӀа? Мегьамеда вичи зун Бубадин патав тухвана туькӀуьр хъийида лагьана кьин кьуна. Къ. Къ. КӀири Буба.
* туькӀуьр хьун гл., вуч ибарат хьун. ТуькӀуьр хьунин рекьяй поэмадик са бязи нукьсанар кватӀани, идеядин рекьяй чаз авторди неинки са лезгийрин, гьакӀ вири Дагьустандин литературадани, саки сифте яз,... халкьдин векилрин ва урус инженердин зегьмет къалурзава. А. Гьажимурадов. Зегьметдин ашукь. Эсердин художественный туькӀуьр хьун эвелни-звел автордин бажарагъдиз хас лишанрилай аслу я. Ф. Асланова. Ханбиче Хаметовадин драматургиядикай.