прил. 1) урус миллетдин векил тир. ТуькӀуьр хьунин рекьяй поэмадик са бязи нукьсанар кватӀани, идеядин рекьяй чаз авторди (X. Тагьира. - А. Г.) неинки са лезгийрин, гьакӀ вири Дагъустандин литературадани, саки сифте яз,... халкьдин векилирин ва урус инженердин зегьмет къалурзава. А. Гьажимурадов. Зегьметдин ашукь. Садра за гьа алимдиз урусрин чӀехи историк ва журналист В. Л. Величкоди лезгийрикай кхьей гафарни тикрарна: «Лезги тайифайрихъ хуьруьн майишат вилик тухудай чӀехи агалкьунар ава. Абуру кустарвилин къайдада расзавай майишатдин къапар Юкьван Азияда машгьур я. Абуру чилериз серф ийизвай зегьмет урус лежбердин гьич акьулдизни. кьведач... Абур рикӀ ачух, мерд, гафунал мягькем, авай гаф чинал лугьудай ксар я» М. М. За нин бахтар чуьнуьхна хьи... 2) урус гьукуматдин. Урус пачагь къуватлу я. С. Ярагъви ашукь Уьзден. 3) урус миллетдин векилрин хайи чӀалан. - Сифте инай ван хьайибур урус гафар хьана хьи, - зарафартна Агьмеда. М. Б. ЦӀийи мискӀин. Синонимар: рус, русский.
* урус мектеб сущ. урус чӀалал тарсар гудай мектеб. Яш тамам хьанамазди вичин хтулар Исмаил бубади урус мектебдик кутуна. Д. Шерифалиев. Къабил бубадихъ галаз гуьруьш.
* урус турп нугъ., сущ. редиска
* урус чӀал сущ. урус миллетдин векилрин хайи чӀал. И цӀийи гафарикай бязибур чи чӀалаз урус чӀалай, бязибур азербайжан чӀалай ва бязибурни маса чӀаларай къвезва: ударник, спутник, комсомол, школа, колхоз, совхоз, пионер, ракета, атом, учитель, сельсовет... Н. А. Литературадин хрестоматия. - Яда, квез куьз кичӀезва? За къурьан урус чалалди кӀелайди я. М. Б. ЦӀийи мискӀин.