сущ; -ди, -да; -ар, -ри, -ра тарцин танда члафдин чкадал къведай тӀекв, буш чка. Са куьнуь, кул авуна, катнава ва а кулуни вичиз кӀукӀ кьурай чуьхвер тарцин хъалхъамда цӀийи чка кьунва. А. Фет. Проза жанлуди хьайила.... чилел аватай эвкалиптдин тарцин хъалхъамда лежберди вичин хизандиз кӀвал авунай. ЛГ, 2004, 17.1 V. 2) куьч. инсандин чина вил(ер) авай тӀекв, кьацӀ. ЧӀул хьиз, арабада яргъи хьанвай Буба къарагъиз акурла, вилер хъалхъамрай къецел акъатиз гъазур хьанвай фекьи, кьилел гьал атана, балкӀандилай аватна. Гь. С. КӀири Буба. 3) куьч. кӀвалах тавуни ва я нетижасуз кӀвалахди мярекатрин планда твадай гьал. - Чи планда хъалхъам ава. План бегьемарнавач. Чун кьулухъ галамукьзава, Чахъ лазим тир темп авач... ~ Чна хъалхъам терг ийида, - лугьуз хкажна гъилер. А. Ф. Зарбачи Гьасан.