гл.; -вада, -вана; -ваз, -вазва; -ухъ, -урай, -ван, -вамир; хьун тавун, хьун тахвун, хъван хъийимир 1) ни-куь жими затӀ (яд, шурпа, нек ва мсб) туьтуьнай къенез ракъурун. Неъ ципицӀ, хъухъ чехир, мугьмандиз ина Акъудна рикӀни гун лезги адет я. И. Ш. Кьудар. Аваз хьурай кварар кӀвалера, кӀандайда яд хъурай. С. К. Квар. - 2) ни ички къенез ракъурун, ички ишлемишун. Герек хъвадайла - хъван! Недайла - нен! КӀвалахдайла... Б. Гь, ТӀварун стха. Мубаракиз къвезва кӀвализ За саламни гун тавурбур. Чуьхуьх! -лугьуз алахънава Уьмуьрда гьич хъун тавурбур. А. С. Хцихъ галаз ихтилат. - И зегьримарни ваз за хъван тийизмайди чида, - ада вилералди суфрадал алай чехир авай бутылка къалурна. К. К. Шаирди лагьанай. - Гьахъ лагьайтӀа за хъвана кӀанзавайди туш. Хъвана лагьана закай масадаз зиянни хьайиди туш. Тахъванани чара авач: и дуьньяда тахъвайтӀа, агъа Дуьньяда ам гудай кас жедайди туш. С. Муслимов. ЦицӀигъ-наме. Синоним: хъивегьун.
* хъваз гьатун гл., вуж ички гзаф рикӀ алаз ишлемишун.
* хъвайидн кьилиз акъатун гл., нин гзаф хъвана жувавай жув хуьз тахьун. Са кьадар вахт алатна, хъвайиди кьилиз акъатна будала хьайи гадаяр пацариз акъатна, вучиз ятӀани. Къ. Къ. КӀири Буба.