гл.: -ида, -ена; -из, -изва; хъвач, - ая, - ирай, -имир; хьфин тавун 1) вуж гьиниз са чкадилай элкъвена вич атай чкадихъ гьерекат хъувун. "Вун хъфида эхир", -лагьана руша. - "Хъфидач, чан руш, - лагьана бубади. Ф. КӀватӀаш. Къвез хъфида вун булахдал... Е. Э. Я бахтавар. Яз, килигайла, вун карвансара я; Илифиз хъфидай мугьман, дуьнья, гьей! Е. Э. Дуьнья, гьей! Ам хъша лугьуз гзаф алахъна. А. Ф. Бубадин веси. - Де ам хъфирай. Вуна ихтилат ая, - лагьана кимел алайбуру. З. Э. КУТВ-диз фена. \[Пейкер\]. - Чун хъфида, килиг гьа, няниз татана тамир, чун чи кӀвале ваз килигиз акъвазда. Геж тавуна ша, чун санал фидайвал. Гь. Гь. Адетдин къармахра. Эгер Гуьлселем къариди эверна кӀвализ хутахначиртӀа, ам мичӀи хьана халкьар кӀвалериз хьфин тавунмаз куьчедай хъфидачир. Махсуд хъфена. З. Э. Муькъвел гелер. - Чун анив агакьдалди гьабурни катна хьфидайди я. Хъфин тавуртӀа, чна абур эзмишда. З. Р. Гьажи Давуд. Ихтилат хайи райондиз зун командировкадиз хъфиникай кватна. И. Гь. Уьмуьрдин гелер. - Ахьтин кар авач. Зун кӀвализ хъфизвайди я, агакьдачни кьван?! М. В. Гьарасатдин майдандал. - Зун дидеди хъвач лагьана рекье турди я. Заз четинзавалда... - ажузвилелди, аялди хьиз, жаваб гузва руша. М. В. Гьарасатдин майдандал. Атайда минетиз къвалалай, Йигиндиз, поезддал фена ам... СтӀалдал хъфей са вацралай Ацукьай чкадал кьена ам... М. Б. Эхиримжи рехъ. 2) вуж никай гъуьлуьк кумукь тавун, вичин бубадин кӀвале яшамиш хъхьун. Ваз зани хъсанвилер тавуна тадач. Гила ахлад. С. Ярагъви ашукь Уьзден.