сущ.; -и, -а; -ар, -ри, -ра тум цун патал туьрездалди хкажнавай, къарагъарнавай чил. Вин акьуллу инсан, Чир жен пис-хъсан, Гатфариз чил къазан Трактордал цан -ХукӀ ярашугъ я. С. С. Квез вуч ярашугъ я. КӀвале кӀаник ястух кваз цанай хтай итим ацукьнавай. А. Муграгъви. Ажалдин хура. Синоним: кьуьгьвер.
* цан цайидаз - цуру нек, тӀумбул ягьайдаз - фири нек мисал зегьмет чӀугурдаз лайих къимет тагана къваларал алайбуруз еке гьуьрметар авун. Майишатда зегъметдин гъакьи гунин карда, аквазвайвал, халкьдин мисалди лугьузвай хьтин гьал арадал атана: цан цайидаз - цуру нек, тӀумбул ягьайдаз - фири нек. ЛГ, 1985, 12. ӀX. - Лекь кьурди зун, чаяр, тӀуьнар-хьунар - ибуруз! Цан цайидаз - цуру нек, тӀумбул ягьайдаз - фири нек! М. В. Гьарасатдин майдандал.
* цан цун гл., ни тум цун патал чил хкажун, къарагъарун. - Вирида Риза, - лагьана Сарухана, -кеспи ийизва, сада цан цазва, сада мал хуьзва, сада гвен гуьзва, сада рабочийвал ийизва, садани чубанвал ийизва. Уьмуьр гъахътинди я ман! А. Ф. Риза. Зун цан цана, тум вегьена хтанва, Амма къунши цаниз физ кӀанз экъечӀна. А. Ал. Зун цан цана... Мегьарамдхуьрел ва Мегъвергандал цанар цаз, адан гъакьи яз ичер къачуна, абур Дербентда маса гун адаз адет хьанвай кар я. И. В. Чирхчир.