гл.; - ида, -ана; -из, -зава; -ун, -ин, -урай, -имир; чӀагун тавун, чӀагун тахвун 1) вуч къайи ва кӀеви гьалдиз атун. Чуьхвена экӀянавай парталар йифиз чӀагана. Р. 2) вуж уьгьуьдикди ва я хъуьруьникди рахаз тежедай гьалда хьун. Адак уьгьуь акатна, хейлин вахтунда чӀагана. А. Ф. Бубадин веси. ЯхцӀур йисни хъижезва зи атана, Хъуьренач зун гьич садрани чӀагана... М. Б. Диде ва сефилвал. 3) вуж-вуч гуьрчег гьалдиз атун. Зи кӀвал, зи юрд, намусдин муг, мектеб я, Уьмуьрдин рехъ генг хьун патал чӀагурай. М. Агьмедов. Зи дуьнья. Вуч хиялри тухванва вун, Гьуьлуьн кьере авай суна?! ТӀавус къуш хьиз чӀаганва вун, Гьуьлуьн кьере авай суна. А. Мир. Гъезелар.