гл., ни вуч; -да, -на; -из, -зава; эвя || 0 -а, -ин, -рай, -мир; эвяз, -из, эвязава || -зава; эвя ( эвягь ) авун, эвя ( эвягъ ) тавун, эвя ( эвягь ) тахвун, эвя ( эвягь ) хъийимир 1) кьилин чӀарар рекъиналди дуьз къайдадиз гъун. Сефер гуьзгуьдин вилик акъвазна. Ада вичин гарданда галстук туна. Ахпа кьил эвягъна, пад-кьерех агудзавай. З. Э. Арифдиз ишара. Ахпа Селима чиняй Лацу дасмал экъягьда. Гуьзгуьд вилик акъвазна ЧӀарар патахъ эвяда. А. Мут. Михьивал. Яргъай аквазвай, гарун хура са патахъ чам гузвай чинарар... кьве патахъди эвяна туькӀуьрнавай кьечӀемдиз ухшар я. З. Гь. Югъ ачух жедайла. 2) хиперилай тванвай йис (сар) рекъиналди (махсус алатдалди) михьи авун. И кӀвале... гъуьр ва я къуьл хуьдай кьве канду, эвянавай сар хуьн патал нацӀарикай хранвай... пуд къужгъур, сар эвядай регъ, гъилин регъв, чхра.., А. Къ. Нехирбанни лекь. ☼ 1960 - йисаралди эвя ва эвягъа ( кил.: М.М.Г. ЛЧКК 1964 - йисуз эвягъа ( кил.: М. М. Г., Р. И. Г., У. А. М. ЛЧЮС, 1964), 1989 - йисалай инихъ эвягъ ( кил.: М. М. Г., Р. И. Г., У. А. М. ЛЧЮС, 1989, 2001) норма яз кьабулнава.