фарс, союз. шартӀ къалурун патал ишлемишзавай гаф. Ругуд такъа, вад киле харж хьуй зи гьар хизандиз. Эгер и харж тагъайтӀа, Гелирдин рехъ атӀайтӀа, За хуьр кӀаняй акъудда, Къван къванцихъай галудда! Ф. Бахтавар. Эгер дуьшуьш хьанайтӀа са кас анал, Жузачир за а касдивай ярдин гьал. Е. Э. Заз булахдал яр акуна. Эгер им дуьз ятӀа, Етим Эмин техминан 1838 лагьай йисуз дидеди хун жезва. М. М. Гь. Шииррин кӀватӀал туькӀуьрайдан патай (1941 ). Эгер кӀвале жуван хайи чӀалал рахазвачтӀа, а хизандай тир аялдиз школада дидед чӀал чирун хуш кьведач, я адалай и кар алакьни ийидач. Х. Шайдабегова. Дидед чӀал чируниз артух фикир. Синонимар: нагагь, лугьуз жеч.