гл.; -да, -на; -из, -зава; 0 || - а, -ин, -рай, -мир; эгечӀ авун, эгечӀ тавун, эгечӀ тахвун, эгечӀ хъийимир 1) вуж-вуч квев, вуч ийиз са кар кьилиз акъудиз башламишун. Магъсудани уьлгуьч хци ийиз, илисна хьиз адан чуруяр тваз эгечӀна. М. В. Гьарасатдин майдандал.... качни муькуь гурцӀулар кьулу- кьулухъди физ эгечӀайла, Кьашкьа алай чкадилай кӀусни юзаначир. М. Б. Чемпион. Гила маргъухъанар дагъдин уьруьшрай векьер ягъунив эгечӀнава. К, 1986, 15. VӀӀӀ. ЯбатӀая, цӀугъар физмаз, ацукьдай маса чка жагъуриз эгечӀна. А. Исм. Эхиримжи къув. Гьар са касдай хъсан са тереф жагъура, гьадакай а касдин рикӀиз гьахьдай куьлег жеда. Инсанрив икӀ эгечӀун чи халкьдин шаирдин яратмишунрин ва уьмуьрдин кредо я лагьайтӀани жеда. А. Къ. Шаирдин экв. Мадни гьайиф чӀугвадай кар ам я хьи, чи са бязи кӀелчияр чпи менфят къачузвай литературадив эхи ийиз тежедай тегьерда жавабдарсузвиливди эгечӀнава; ктабрай чарар акъудзава, абур къазунзава, винел эдебсуз кхьинар ийиз. журнал, ктаб, газет масадбурувай кӀел хъийиз жедай гьалда тазвач. ЛГ, 2004, 26. VӀӀ.. 2) вуж-вуч нив-квев нин-куьн ятӀани патав атун. Ингье са паб а цуьквгрив эгечӀна, Къанихдаказ кьве гъиливни чухвана Б. С. Чарасузвал. 3) алакъаламиш хьун. Къуватдиз еке гьукуматдихъ галаз амалдарвилелди эгечӀун лазим тирди кьатӀай ада \[Исмаил эфендиди. - А. Г.\] вичин сухтаяр, ярар-дустар гъавурдик кутаз, дуьз рехъ къалуриз алахъна. С. Ярагъви ашукь Уьзден. А. Гьасанан яратмишунриз дикьетдивди вил вегьейла, чаз ам маса динриз акси экъечӀ тийизвайди, вири динрив гъуьрметдалди эгечӀнавайди ва ада виждандин азадвал таблигь ийизвайди аквазва. "Самур" журн., 2002. Синоним: гъиле кьун.