* энгел авун гл.; ни геж авун, гежарун. Зак адан фикир чириз кӀан хьунин гьевес акатна, энгел тавуна адав жував гвай пул вугана. Т. А. Мехъер куьтягь тахьанмаз. Герек къвезвач ихтилатар яргъаралди, Энгел мийир, гъарда вичин чка яхъ. Х. Х. Масан баде. Синоним: энгелун.
* энгел хьун гл., вуж-вуч са вуч ятӀани себеб яз геж хьун. Кутур жуван хъуьчӀуьк дафтар, Кар тахьуй энгел, Назани. С. С. Назани. Дагъустанда гудай мевлид Тахьуй кар энгел, фекьияр. С. С. Фекьийриз.