араб, дин, сущ.; -ди, -да; -ар, -ри. -ра диндин къалуруналди, инсан кьейидалай кьулухъ яшамиш жедай чка. Эхиратда пис паб уьзуькъара я. Е. Э. Пис папаз. Эминавай диндин пар, мавгьумат вичин кӀулай гадриз хьанач. Им ада лагьанвай илагьийри, яни Аллагьдиз, эхиратдиз ва ихьтин масабруз лагьанвай чӀалари субут ийизва. М. М. Гь. Шииррин кӀватӀал туькӀуьрайдан патай (1941 ). Хъсан кӀвалах авуна, - хвеши хьана Шахмардановаз, - тахьайтӀа гзаф дуьшуьшра кьуьзуьбуру датӀана эхиратдин гьакъиндай хажалатар ийизва. А. А. Лезгияр. Синонимар: муькуь дуьнья, агъа дуьнья.
* эхиратдин кӀвал сущ. инсан кьейила, кучуддай чка. Мустафа буба вичин эхиратдин кӀвализ рекье тваз вири жемят сурарал кӀватӀ хьанвай. ЛГ,1992, 31. ӀӀӀ. Са кьадар яшар хьанвай гунагькарриз, эхиратдин кӀвализ фидалди чпин гунагьрилай гъил къачун патал вуч авун лазим ятӀа хабар кьаз кӀанзавай. С. Ярагъви ашукь Уьзден. Дидедин эхиратдин кӀвалин къерехдал ацукьна, руша мад манийралди ишелариз башламишна... Гь. Къ. Магьини Дилбер. Буба Сад Азраилдин ихтиярдалди эхиратдин утагъдиз рекье туна хтайла, зи рикӀел, накъварин селдихъ галаз, ихьтин цӀарар атанай... З. Къ. Чуьнгуьрдин сим хьиз дам атӀайла... Синоним: сур.
* эхиратдин кӀвализ фин гл., вуж кечмиш хьун. Гила чи пайгъамбар хьтин бадени амач. Сам-Саман дерт эхиз тахьана, вични эхиратдин кӀвализ фена. Гь. Къ. Четин бахт.
* эхиратдин югъ сущ. рекьидай югъ. Юкьван асиррин арифдар Мишель Монтена къейд авурвал, эхиратдин юкъуз ажалдинни инсандин уьмуьрдин арада кьиле физвай женгина жув авайдалай хъсан къалур хъийидай, алакь тийидай викӀегьвилер ийидай мумкинвал амукьзавач. ЛГ, 2004, 8. VӀӀ.