араб, сущ.; - ди, -да, -ар, -ри, -ра ширин сес авай гатфарин, гатун гъвечӀи нуькӀ. ХупӀ рахада билбил сегъер вахтунда, Са гъамни авачир гьайван бахтавар! Е. Э. Билбил. Билбилар гьар жуьре рахаз, Къизилгуьллеривди къугъваз... М. А. Мирзалидиз. Тарари акъудда гуьллер, Билбилрин макан я и хуьр. А. Гь. Ахцегьар. Заз акурд туш вун кьван йигин Громофон, машин, билбил. С. С. Билбил. Вуч чӀал ава а ви ванциз, Гьарайиз я ккӀвачин билбил. С. С. Билбил. Яб ганачни на билбилдин авазриз, Билбил туна хъфин зурба бахт яни? А. С. Къе-пака дагълара кфил рахада, Гатфарин тарифиз билбил рахада. 3. Къ. Тухурла, диде, вун гурандиз къайи. 2) шириндиз рахадайди. Милициядин идарадин подвалдин гьалар бегенмиш тахьай Сулейманакай, пакадин югъ алукъайла, билбил хьана: бицӀек Малик вичи гьиниз тухванатӀа, нин кӀвале ферикъат авунатӀа, ада вири гьа хьайихьайивал ахъайна. Я. Къафаров. Аял буржунай... 3) шиир., кӀани руш. Бирдан вили ягъайтӀа вун, ви кӀанидан чӀур жеда гьал, Вун адаз бес багьа билбил, багъа ачкар, ва лиф тушни. Ас. М. Гъезелар. 4) рах. гъвечӀи аял.