кӀус 1) существительнидихъ галаз ишлемишнавайла, сад хьтин лишанар авайди къалурзавай гаф. Хаму кард хьиз хвена кӀандай гъилерал Вун жагъайдаз хупӀ девлет я, Туькезбан. Е. Э. Туькезбан. Вучда дустуникай дабан атӀудай, Мез кӀуьгьуь, рикӀи серкед хьиз кудай? Е. Э. Дуьнья гургьагур. КьепӀинал хьиз, зи чил, зун вал ашукь я, Хуьда вилин нине хьиз. А. С. КьепӀинал хьиз. 2) вилик квай глагол мурадвилин формада авайла, гьа глаголдалди лугьузвай гьерекат, гьал кьиле физвай вахтунда. ИкӀ чидайтӀа, як кумаз хьиз, Ийидай вун азад, Яру яц. Е. Э. Яру яц. 3) тахминан. Са сятдилай хьиз къари хтана, абур исятда къведа, - лагьана хабар гана. А. Ф. Бубадин веси. ☼ Наречие хьиз... вири дуьшуьшра маса гафаркай чараз кхьида. Лезги литературный чӀалан орфографический къайдайрин свод. ТуькӀуьрайбур: Гаджиев М., Алкадарский А. К. -Махачкала, 1938, ч. 27.