Avvakum Petroviç
Avvakum Petroviç (rus. Аввакýм Петро́вич; 20 noyabr 1620, Qriqorovo[d] – 14 aprel 1682, Pustozersk[d]) — protopol, rus staroobryadçestvo dini cərəyanının banilərindən biri, yazıçı.
== Həyatı ==
Avvakum Petroviç 25 noyabr 1620-ci ildə indiki Rusiya ərazisində yerləşən Qriqorovo kəndində anadan olmuşdur. Patriarx Nikonun dini islahatı əleyhinə kəskin çıxış etdiyinə görə 1653-cü ildə ailəsi ilə sürgün olunmuş, əqidəsindən dönmədiyi üçün 1682-ci ildə yaxın tərəfdarları ilə birlikdə yandırılmışdır. Sürgündə yazdığı "Müsahibələr kitabı", "Təfsirlər kitabı", "Jitiye" (1672–1675) və s. əsərlərində Avvakum rəsmi kilsə nümayəndərləinin tamahkarlığını, pozğunluğunu, qəddarlığını, çar hakimiyyətini, çarı və onun əlaltılarını ifşa etmişdir. Lakin Avvakumun irəli sürdüyü mübarizə formaları (özünüyandırma, dini fanatizm və s.) mürtəce idi. Onun "Jitiye"si qədim rus ədəbiyyatının görkəmli əsərlərindəndir.
== İstinadlar ==
== Əlavə ədəbiyyat ==
Житие протопопа Аввакума, им самим написанное. — 1891.
Nadejda Petroviç
Nadejda Petroviç (serb. Nadežda Petrović / Надежда Петровић; 12 oktyabr 1873, Çaçak[d], Serbiya knyazlığı – 3 aprel 1915[…], Valyevo[d], Serbiya krallığı) — serb rəssamı və regionda qadın müharibə fotoqrafiyasının banilərindən biri. Serbiyanın ən məşhur ekspressionisti və fouvisti hesab edilən o, dövrün ən mühüm serb qadın rəssamı olub. Çaçak şəhərində anadan olan Petroviç gənclik illərində Belqrada köçmüş və orada qadınlar üçün ali məktəbdə oxumuşdur. 1891-ci ildə məzun olduqdan sonra 1893-cü ildən başlayaraq Sloveniyalı rəssam Anton Ajbedən təhsil almaq üçün Münhenə köçməzdən əvvəl orada dərs deyib. 1901–1912-ci illər arasında o, Avropanın bir çox şəhərlərində əsərlərini sərgiləyib.
Ömrünün sonrakı illərində Petroviçin rəsm çəkməyə vaxtı az idi və yalnız bir neçə əsər yaratdı. 1912-ci ildə Balkan müharibələrinin başlamasından sonra könüllü olaraq tibb bacısı oldu. 1913-cü ilə qədər o, tif və vəba xəstəliyinə yoluxan Serb əsgərlərinə qulluq etdi. O, göstərdiyi xidmətlərə görə "İgidliyə görə" medalı və Qırmızı Xaç ordeni ilə təltif olundu.
Milorad Petroviç
Milorad Petroviç (serb-kiril. Милорад Петровић, 18 aprel 1882 – 12 iyun 1981, Belqrad, Serbiya Sosialist Respublikası, Yuqoslaviya SFR) — Kral Yuqoslaviya Ordusunun generalı.
1941-ci ildə Almaniyanın Yuqoslaviyaya hücumu zamanı 1-ci Ordu Qrupuna rəhbərlik edib. Petroviç 1901-ci ildə Kral Serb Ordusuna qatılıb və Balkan müharibələri zamanı müxtəlif kadr vəzifələrində xidmət edib. Birinci Dünya Müharibəsi illərində müxtəlif kadr vəzifələrində çalışmışdır. Müharibədən sonra Yuqoslaviyanın şimal sərhədi boyunca hərbi əməliyyatlarda iştirak etmişdir. Petroviç 1937-ci ildə general oldu. 27 mart 1941-ci ildə Yuqoslaviya devrildikdə Belqradın hərbi komandiri idi.
Lyperosomum petrovi
Lyperosomum petrovi (lat. Lyperosomum petrovi) — heyvanlar aləminin yastı qurdlar tipinin trematodlar sinfinin plagiorxidlər dəstəsinin dicrocoeliidae fəsiləsinin lyperosomum cinsinə aid heyvan növü.
== Xarici quruluşu ==
Bədənin uzunluğu 5,8-6 mm, eni qarın sormacı sahəsində 0,5-0,7 mm-dir. Ağız sormacı dairəvidir, diametri 0,21х0,25 mm-dir, qarın sormacı böyük, şarvari olub 0,64x0,77 mm diametrə malikdir. Sormaclar arasında məsafə 0,34-0,51 mm-dir. Ağız sormacının arxasında diametri 0,16-0,17 mm-ə qədər olan farinks yerləşir. Bağırsaq şaxələri təqribən eyni uzunluqda olub, düz xətt boyunca bədənin arxa hissəsində qurtarırlar. Cinsi bursa uzunluğu 0,172 mm, eni 0,129 mm olub qarın sormacından öndə qurtarır. Dairəvi və eyni olan toxumluqlar bədənin orta hissəsinin önündə, qarın sormacının arxasında yerləşir. Onların ölçüləri 0,12-0,21 mm.