Metyu Merser
Metyu Kristofer Miller (ing. Matthew Christopher Miller), daha çox Metyu Merser (ing. Matthew Mercer; 29 iyun 1982) — anime, cizgi filmləri və videooyunlarda fəaliyyət göstərmiş ABŞ səs aktyoru. O, ailə üzvlərinin keçmişdə istifadə etdiyi Merser soyadını istifadə etməyə qərar vermişdir, çünki bu, Millerdən daha az yayılmış ad idi.
O, "Resident Evil 6", "Mortal Kombat 9", "Titanfall 2", "Overwatch", "Persona 5", "League of Legends" və "Fallout 4" kimi videooyunlarda səs aktyorluğu etmişdir.
Aktyorluqdan əlavə, Merser "Critical Role" veb-serialında Zindan masteri kimi görünür.
Merser (dairə, Nyu-Cersi)
Merser dairəsi (ing. Mercer County) — ABŞ-nin Nyu-Cersi ştatında dairə. 2000-ci il əhalinin siyahıya alınmasına görə, Merser əyalətində 350.761 nəfər yaşayırdı. ABŞ Siyahıyaalma Bürosunun məlumatına görə, 2008-ci ilə qədər əhali 4,0% artaraq 364,883 nəfərə çatdı. Merser, Nyu-York və Filadelfiya yaxınlığında yerləşdiyi üçün rəsmi olaraq Nyu-York metropol bölgəsinin və Delavera vadisinin bir hissəsidir. Trenton şəhəri mahal mərkəzidir. Dairənin ən böyük şəhəri Hamiltondur.