Sözün mənası uşağı bələmək birləşməsində daha aydın hiss olunur. Bu feildən bələk ismi də yaranıb. Bağlamaq kəlməsinin dəyişmiş forması bir tərəfdən bələ, digər tərəfdən isə bilək sözlərinin yaranması ilə nəticələnmişdir. Bil-ə-k “barmaqların bağlandığı yer” (bağlaq) deməkdir. Bunu bir də o sübut edir ki, mənbələrdə bilək sözünün sinonimi kimi bağış sözü də mövcuddur. Bəs nə üçün uşağın əskisinə bələk deyilib, dolaq deyilməyib? Çünki qabaqlar uşağı beşiyə bağlayıblar. (Bəşir Əhmədov. Etimologiya lüğəti)