Məktəb

ərəb. yazı yazılan yer 1) təhsil ocağı (müəssisəsi); 2) bilik, təcrübə mənbəyi, insanların təhsilini həyata keçirən təlim-tərbiyə müəssisəsi. Təşkilatlanmasından, hansı vəsait hesabına fəaliyyət göstərməsindən asılı olaraq – dövlət, ictimai və xüsusi, dinə münasibətinə görə – dünyəvi və dini, fənlər seçiminə, biliyin çatdırılması xarakterinə görə – ümumtəhsil və peşə (ixtisas), təhsil səviyyəsinə görə – ibtidai, orta və ali, şagirdlərin cinsinə görə – oğlan, qız məktəbləri və qarışıq məktəblər olur; 3) öyrənmə, əldə edilmiş təcrübə; 4) elm, ədəbiyyat, incəsənət və s.-də əsas baxışların, prinsip və metodların ümumiliyi ilə bağlı cərəyan; 5) hər hansı bir xüsusiləşdirilmiş tədris müəssisəsi. Məsələn, musiqi məktəbi; 6) qısa müddətli və ya məhdud ixtisas üzrə bilik verən təhsil müəssisəsi, məktəb; 7) ali məktəbin təhsil illəri; 8) tədris olunan; 9) xüsusi tədris fənni; 10) qısa müddətə müxtəlif ixtisaslar üzrə kadrlar hazırlamaq və ya ixtisası təkmilləşdirmək formalarından biri; 11) ali və orta ixtisas məktəblərində tədris dövrü; 1 2) hər hansı elmi fənnin, bilik sahəsinin müəyyən hüdud daxilində bitkin şərhi.