Firuzə (opera)

Bu məqalə Üzeyir Hacıbəyovun "Firuzə" operası haqqındadır. Digər mənalar üçün Firuzə səhifəsinə baxın.

Firuzə — Üzeyir bəy Hacıbəyovun yarımçıq qalmış operası.

Firuzənin ariyası

Fidan Qasımova və və ART simfonik orkestri ifasında, dirijor Ramiz Məlikaslanov

---

Media kömək

1945-ci ildə yaradılırdı. Librettosu Ü. Hacıbəyov tərəfindən xalq rəvayətləri əsasında yazılmışdır. İlkin adı "Şəhrəbanu" idi. Bəstələnmiş musiqi parçaları arasında Firuzənin ariyası xüsusilə diqqətəlayiqdir. Onun musiqisi həzinliyi, şairanəliyi ilə fərqlənir. Bu ariya melodiyasının ifadəliliyi və oxunaqlığına görə bəstəkarın yazdığı ən gözəl opera ariyalarından biridir. Operanın librettosu Hacıbəyovun "Seçilmiş əsərləri"nin I cildində (B., 1964) çap olunmuşdur. Firuzənin ariyası Moskvada (Y. Fidlerin tərcüməsi ilə — 1949; P. Pançenkonun tərcüməsi ilə — 1956) və Bakıda (Ü. Hacıbəyov. "Seçilmiş ariyalar, romanslar və mahnılar" toplusu. Tərtibçi və redaktor Ə. Abbasov. B., 1975) nəşr edilmişdir.

• Ü. Hacıbəyovun "Seçilmiş əsərləri"nin I cildi (B., 1964)
• Ü. Hacıbəyov. "Seçilmiş ariyalar, romanslar və mahnılar". Tərtibçi və redaktor Ə. Abbasov. B., 1975.

• Fidan Qasımova — Ü. Hacıbəyovun "Firuzə" operasından Firuzənin ariyası
• Ü. Hacıbəyov Elektron Ensiklopediyasında "Firuzə" operası haqqda