Volodimir Zelenskiy

Volodimir Oleksandroviç Zelenski^[8] (və ya Vladimir;^[9] ukr. Володимир Олександрович Зеленський; 25 yanvar 1978^[1], Krivoy Roq, SSRİ^[5][6][…]) — Ukrayna siyasətçisi, şoumeni, aktyoru, rejissoru, ssenaristi, prodüseri və bədii direktoru. 20 may 2019-cu ildən Ukrayna Respublikasının Prezidentidir. Zelenski 2015-ci ildə Xalqın xidmətçisi adlı televiziya serialında Ukrayna Respublikası Prezidenti olaraq yer almışdır.^[10][11] Eyni adlı partiya həmin serialın istehsalçı şirkəti olan Kvartal 95 tərəfindən 2018-ci ildə quruldu.^[12]

Volodimir Zelenski
ukr. Володимир Олександрович Зеленський
Ukrayna Respublikası Prezidenti
Vəzifədədir
20 may 2019-cu ildən
Əvvəlki	Pyotr Poroşenko
Ukrayna Silahlı Qüvvələrinin Ali Baş Komandanı[d]
Vəzifədədir
20 may 2019-cu ildən
Şəxsi məlumatlar
Doğum tarixi	25 yanvar 1978(1978-01-25)[1] (46 yaş)
Doğum yeri	Krivoy Roq, SSRİ[5][6][…]
Partiya	Xalqın Xidmətçisi
Təhsili	Krivoy Roq İqtisadiyyat İnstitutu[d] (1995–2000)[2], Vadim Getman adına Kiyev Milli İqtisadiyyat Universiteti
Fəaliyyəti	siyasətçi
Atası	Oleksandr Zelenski[d]
Anası	Rimma Zelenskaya[d] və ya Volodimir Zelenski
Həyat yoldaşı	Olena Zelenska (2003–)[3]
Uşaqları	Kirilo Zelenski[d], Oleksandra Zelenska[d]
Hərbi xidmət
Mənsubiyyəti	Ukrayna
Qoşun növü	Ukrayna Silahlı Qüvvələri
Döyüşlər	Rusiyanın Ukraynanı işğalı (2022), Donbass müharibəsi
Rütbəsi	soldat[d][4]
Elmi fəaliyyəti
Elm sahəsi	aktyorluq[7], parodiya[d], şou-biznes, siyasət[7], hüquqşünas, ssenarist, televiziya aparıcısı, film prodüseri, televiziya prodüseri[d], müğənni, impressionist[d], yumor ustası[d], şoumen[d], siyasətçi, kinorejissor
Təltifləri
president.gov.ua
Vikianbarda əlaqəli mediafayllar

25 yanvar 1978-ci ildə Krivoy Roq şəhərində anadan olmuşdur. Atası Oleksandr Semenoviç Zelenski texniki elmlər doktoru, professor, kompüter elmləri şöbəsinin müdiridir.^[13][14]

O, anası ilə 4 il Monqolustanın, Erdenet şəhərində yaşamış və orada birinci sinfi bitirmişdir.^[15] Daha sonra ingilis dilini dərin öyrənmək üçün Krivoy Roq şəhərinə qayıdaraq buradakı 95 nömrəli məktəbdə təhsil almışdır.^[15]

Zelenski 2015-ci ildə "Xalqın xidmətçisi" adlı televiziya serialında Ukrayna prezidenti rolunu canlandırmışdır.^[16] Həmin rol təxmini 30 yaşda olan və paylaşdığı populyar video ilə tanınaraq prezident seçkilərində qələbə qazanan tarix müəllimi idi.^[10]

Zelenski 2013–2014-cü illərdə Avromeydan aksiyasını və Donbass müharibəsi vaxtı Ukrayna ordusunu dəstəkləmişdir.^[16] 2014-cü ilin avqust ayında Ukrayna Mədəniyyət Nazirliyinin rus incəsənət adamlarının ölkəyə girişinə qadağa qoymasına qarşı çıxdı.^[17] 2018-ci ildə başrolda yer aldığı romantik-komediya janrında olan "Böyük şəhərdə sevgi 2" filmi ölkədə qadağa olundu.^[18]

Xalqın Xidmətçisi partiyası 2018-ci ilin mart ayında eyniadlı serialın istehsalçı şirkəti Kvartal 95 işçiləri tərəfindən quruldu.^[19]

Zelenski 2019-cu ilin martında Der Spiegel jurnalına verdiyi müsahibədə "siyasətçilərə olan inamı yenidən bərpa etmək üçün siyasətə girdiyini", "profesional və düzgün insanları vəzifəyə gətirmək" və "siyasəti mümkün olan qədər dəyişmək" istədiyini dedi.^[20]

31 dekabr 2018-ci ildə yeni ildən bir neçə dəqiqə sonra Volodimir Zelenski "1+1" telekanalında ukraynalılara müraciət edərək Ukraynadakı 2019-cu il prezident seçkilərində iştirak edəcəyini söyləyib.^[16] Namizədliyini açıqlamamışdan altı ay əvvəl də Zelenskinin adı anketlərdə birinci yerdə idi.^[16]

Zelenski keçmiş məktəb dostu olan Olena Zelenskaya ilə 2003-cü ilin sentyabrında ailə həyatı qurdu.^[15] Cütlüyün 2004-cü ilin 15 iyulunda Aleksandra adlı qızı, 2013-cü ilin 21 yanvar tarixində isə Krill adlı oğlu dünyaya gəlmişdir.^[15]

• "Axşam rübündə"
• "Mübarizə klubu"
• "Cənab Cook"
• "Ukraynada İlin mahnısı"
• "Ofis romantikası"
• "Fort Boyard"
• "Ulduzlarla rəqs etmək"
• "XƏBƏRLƏR"
• "A-faktor"
• "Gülüş liqası"

[[Fayl:Lukashenko and Zelenskyi (Oct 2019).jpg

180px]]

Bu məqalədəki istinadlar müvafiq istinad şablonları ilə göstərilməlidir.

• Vladimir Zelensky
• zekubiki
• Актер Зеленский раскритиковал СБУ из-за запрета сериала "Сваты"
• studiyo-95