1. Çıxmaq işi, çıxma. Vasya teztez bayıra çıxıb, yenə qayıdırdı.
Susanna bu çıxışın papiros çəkmək üçün olduğunu duyub dedi…
2. Çıxmaq üçün qapı, yol və s.; çıxacaq (giriş əksi). Çıxışda gözləmək.
– [Usta] …Tahiri yenə tapa bilməyib, kor-peşman qayıtdı, vağzalın çıxış yolunda dayandı.
3. İclasda və s.-də söylənilən nitq, məruzə, verilən məlumat və s.
Dartıb hədə-qorxu nazirlərinin; Yarımçıq saxlayaq çıxışlarını; Onların parlament alqışlarını.
□ Çıxış etmək – iclas və s.-də durub danışmaq, nitq və ya məruzə söyləmək, məlumat vermək.
[Cəbrayıl Firəngizə:] Müşavirədə kimlərin çıxış edəcəyi sizi maraqlandırırsa, siyahını verə bilərəm…
4. Çıxma, doğma, doğuş, görünməyə başlama. Ayın çıxışı.
– [Vaqif:] …Günəşin çıxışı ilə batışı gözəl olur, günorta yerində olanda ona heç baxan da olmur.
5. İdman və b. yarışlarda iştirak etmə; iştirak. Boksçuların Beynəlxalq yarışlarda çıxışı.
6. İfa etmə, göstərmə. Mahnı və rəqs ansamblının çıxışı.
– Günlərin birində Pavlo sirkdə çıxış edərkən nərdivandan yıxıldı.
// Artistin səhnəyə çıxması.
Rejissor (gərdün, yaxud şəbehgərdan) daim iştirak edənlər arasında gəzişərək, əlindəki əsa ilə hər kəsə öz çıxış vaxtını işarə edib bildirir.
[Murad:] Hüseyn, sənin çıxışındır, çıx!
7. Nümayiş.
// Öz tələbini, fikrini, münasibətini camaat, kütlə qarşısında bildirmə.
Həsənbəy Zərdabinin bu cəsarətli çıxışlarına qarşı irtica getdikcə güclənirdi.
□ Çıxış etmək – öz tələbini, fikrini, münasibətini kütlə qarşısında çıxıb bildirmək. Öz məqalələrində xalqın taleyi ilə yaşayan jurnalist [
8. Göyərmə, cücərmə, bitmə.
Çıxışların batıqlara; Düşən xəfif kölgələri – Tağlardakı; Oyma “naxış ləpələri”.
◊ Çıxış yolu məc. – çıxılmaz vəziyyətdən, böhrandan qurtarmaq üçün çarə, yol, əlac, qurtuluş, nicat, xilas.
Qətibə çıxış yolu tapa bilmədiyindən, olduğu yerinə qayıtdı və həmişə oturduğu söyüd kötüyünün üstündə oturdu.
