Heyvanın arxası üstə çuxura düşməsi (ayaqları göyə tərəf olur, dura bilmir və boğulub ölür) dialektlərdə öyədəyə düşmək sözü ilə ifadə edilir. Qaqauz dilində çuxur (çökəklik) sözü əvəzinə adık işlədilir, öyədəyə düşməyə “adıq durmaq” deyirlər. Öyədək sözü oyuq sözü ilə qohumdur, bizdə çuxur, dərə yerinə oy (öy) kəlməsi işlədilib. Tuva dilində də öy (iy) sözü “dərə”, “çökəklik” deməkdir. Oymaq (üskük) sözü də bununla bağlıdır, “içi çökək olan” deməkdir. Bəzən öyədək sözünü öymək feili ilə də bağlayırlar. Doğru deyil. (Bəşir Əhmədov. Etimologiya lüğəti)