прил. алакъада авай. Чи халкадин дегь девирдилай амай хъсан адетар ава. Абурукай садни мелер я. Гзаф инсанрин куьмек герек тир кӀвалахар кьилиз акъудунихъ галаз алакъалу яз арадиз атанвай и адет бязи хуьрера гилани ама. М. М. Лезги тӀвар алатӀа. Дагъустанда махсусдаказ хуьдай зонайрин гьакъиндай Закон кьабулунни гьа и кардихъ галаз алакъалу я. ЛГ, 1996, 8. ӀӀӀ. Авайвал лагьайтӀа, Ватандин чӀехи дяве башламиш хьайи сифте кьилера Лезги театрдин репертуарда дяведин тематикадихъ галаз алакъалу эсерар авачир. Э. Наврузбегов. Дагълара хайи театр. Куьрелди, эдебиятдихъ галаз алакъалу материалар чна, амай вири газетрив гекъигайла, гзаф гузва. М. Ж. Гаф жагъуриз, цӀар туькӀуьриз.
* алакъалу авун гл., ни вуж-вуч алакъа авай кар арадиз гъун, сад авун. Мустафади вичин уьмуьр ихътин инсандихъ галаз гьикӀ алакъалу авуна, Мустафа ихьтин касдихъ галаз гьикӀ яшамиш жезва... 3. Э. Зун гъавурда акьазвач.
* алакъалу хьун гл., алакъада аваз хьун. Гъуьлуьз гайитӀани жедайвал я» - фикир авур имиди адаз Асланахъ галаз алакъалу хьун къадагъа авунай. Айиб я, лагьанай ада. Агакьнавай руш гададихъ галаз рекьехуле жедайди туш. 3. Э. Муьгьуьббатдин цӀелхем. Сулейман алим Гьасан Алкьвадари, чӀаларин алим Къазанфар Къазанфаров, муаллим Абужафер Мамедов хьтин обществодин кӀвенкӀвечи инсанрихъ галаз яратмишунин рекьяй алакъалу хьана, абуру гъеле а йисара адан шииррин патахъай интерес ва абур кӀватӀна ктаб яз акъудун патал чалишмишвална. Гь. А. Поэзиядин жавагьирар яратмишайди.