араб, сущ.; -ди, -да; -яр, -йри, -йра туьнбуьгь, тахсиркардиз акъуднавай къарар. Ада пачагьди вичиз гудай суалар ва жаза гуьзлемишзавай. Ф. Гьуьлуьн руш.
* жаза гун гл., ни низ 1) туьнбуьгь авун. Гьуьметаз председательвилин везифадилай алудунин «жаза» гана. И. В. УстӀар. Хъуьрена чӀагай Пирисмаилова, Фейзуллагь, са жазани тагана, ахъайна. С. М. ЦицӀигъ- наме. Вучиз лагьайтӀа, Аллагьдиз вакай хъел ава. Мумкин я, ада ваз мадни жаза гун. Р. Гь. Шагь Абасакай риваят. 2) куьч. кьин, уьмуьрдивай къакъудун. Жаза гуй заз экъечӀдалди экуьн лаз. Е. Э. Зун атана. Шагьди Индиядай абдал Гъани хан кьиле аваз вичин абдалрин десте лезгийриз жаза гун патал рекье туна. Мегь. М. Лезги тӀвар алатӀа. Ада кьин тавуртӀа, Ал лагьди, тапархъан вуж ятӀа, гьадаз жаза гуда ман... Гь. Къ. Къилинж Къемер.
* жазадихъ агакьарун гл., ни вуж; жаза гун Вун ви жазадихъ агакьарун лазим я. Ф. Жанавурни цӀегь.