туьрк, сущ.; -ди, -да; -ар, -ри, -ра 1) викӀегь кас. Халис игитдиз вичин викӀегьвиликай хабар жериди туш. 3. Р. Веси. Зун акурла, игит фида женгиниз, Амма алчах чуьнуьх жеда серкӀверик... А. С. Дишегьли Гьарайна пуд игитдини Хкадарна синелай. Пуд жегьилни кукӀвар хьана Алукьайла рагарал. А. С. Пуд игит. Дегьзаманайра лезгийрин чилерал душманар атанай. Абуруз азадвилел рикӀ алай игит халкь чпиз муьтӀуьгъариз кӀан хьанай. 3. Гь. Лезгийрин риваят. Синоним: кьегьал. 2) халкьдин, ватандин вилик зурба кьегьалвал авур кас. - Чи дестедик квай вирибуру гьарда вичин къадардиз чӀехи халкьдин чӀехи алимрикай, шаиррикай, композиторрикай, игитрикай дамахдивди ихтилатна. А. Къ. Халкь. Вирибуру нубатдалди игитдин гъил кьаз чуькьвена ва ам кӀвалин патав кьван рекье хтуна. Гь. Къ. Хуьруьн хва. Синонимар: герой, къагьриман. 3) ктаб. литературадин эсердик квайди, литературадин эсердин герой.... " Председатель зун тир чӀавуз" шиир къачун. Адан игитди вич председатель тир чӀаван девлетрикай са шумуд сеферда чӀехи ийиз, рангар ягъиз гиперболадин жуьреда суьгьбетзава. М. Ж. Сатирадин дергесдалди. Бубаяр - дяведи къакъудай етимрин яшайиш акьван авайвал адетдин цӀарцӀе аваз, артухан шит рангар галачиз ганва хьи, кӀелзавайди агъазва, ада игитрин бахтсуз яшайишдин язух чӀугвазва. Н.Ибрагимов. ЧӀалан сергьятрихъ кьадар авачирди успатзава. Синоним: герой.