араб, сущ.; -ди, да; -ар, -ри, -ра 1) са вакъиа къейд авунин, кьиле тухунин серенжем. # еке ~, гуьрчег ~, хуьруьн ~, аялрин ~; ~ тухун, ~ гежел вегьин, ~ къейд авун; ~дик экечӀун. Яран суварин мярекат кьиле тухузвайда виридаз гатфарин и гуьзел сувар тебрикна ва ам арадал атуникай куьруь суьгьбет авуна. Н. Меликов. Яран сувар меркезда. Классдилай къецепата тухузвай гьар са мярекатди аялрин чирвилерин, кьатӀунрин, жуван чӀал ва халкь кӀан хьунин дережа артухарзава ва абурук чӀехи-гъвечӀидаз гьуьрмет авунин гьиссер кутазва. X. Шайдабегова. Дидед чӀал чируниз артух фикир. Жемиятдин гьар йисуз "Афардин чиф", "Дагъустандин шадвилер", "ХинкӀардин йиф"хьтин мярекатар кьиле тухузва. Р. Гьасанан, И. Мегьралиев. Яргъара авай жуванбур || «Самур» газ., 2002, 25.Ӏ. X. Халилов кьиле авай коллективди республикадин мярекатрани сифте чкаяр кьаз хьана. А. Гьажимурадов. Чи рикӀ алай композитор. 2) куьч. безеклувал. Масан тир учитель ва буба Мегъамед!. Чи чӀал мярекат авур Вун сагърай. М. М. Гаджиев. Из лингвистического наследия. – Ашукь халкьдихъ рикӀ кудай ч кас я. Уьзденаз кӀанзавай кар сад я. Межлисрал мярекат гъун. С. Ярагъви ашукь Уьзден.
* мярекатдиз экъечӀун гл., вуж важиблу кар авунив эгечӀун. Гъенел акъвазарайла, машиндин вилик кьилел папа гъана са куп Ӏ эцигна, вили ягъ тавурай лагьана тир жеди. "Вун вуч гваз мярекатдиз экъечӀнава, кӀвал чӀур хьайиди... " - гафарик кваз къачуна гадаррай куьп Агьмедан гададин кьиле акьуна. М. Б. "Жигули".