сущ.; -ре, -ре; -ер, -ери, -ера 1) чӀулав цӀакулар алай макьамар ядай гъвечӀи къуш. Хьана кьван, хьанач кьван са нуькӀ. Гуьзел багъларани кьакьан дагълара къекъвез, манияр язавай и нуькӀрез дуьньядин дерди-гьалдикай, азият-зегьметдикай хабар авачир. Ф. ЦӀингил-цӀингил нуькӀ хала. Белки пешер аватзава тарарлай, НуькӀер хъфин себеб яз?... М. Б. Вуж ваз даим юлдаш ятӀа рекьера. Фан гъвел незва нуькӀре рагъул, Гишилавай етимди хьиз. Ш-Э. М. Зулун эхир. Заз виридалайни атӀа цавун ранг алай нуькер хуш я. С. К. Яран сувариз. 2) ( чӀехи гьарфуналди - Н) инсандин лакӀаб: НуькӀ. Лезгийри лакӀабрикай гегьеншдиз менфят къачуда, Чна Нурмегьамедаз Нут. Мирземетаз Мизет. Ямуддиназ МутӀ, Пирмегьамедаз Шит, Абдуселимаз Дуц, Багьауддиназ Багьат, Шихмегьамедаз ШихетӀ, Кевсераз Ксе, Нуржагьаназ НучӀ, Нуриятаз Нуьк, Жариятаз, Жижиц Шаперидиз Шап лугьуда ва икӀ мад. « Самур» газ. * девдев нуьк, хуьруьн нуькӀ, чӀулав нуькӀ.
* нуькӀериз тӀегъуьн атайла, кьиферикай хьун, кьифериз тӀегъуьн атайла - нуькӀерикай гл. кьве чин алайдан амалралди вичин кьил хуьн. Гила са къаридини, къуллугъдал алай са кьамацди нур къурвах авунва; гъилер хъуьчуьк кутуна акъвазмир, гьукуматдивай халкь паталди герек тир затар талаб ая. "Бес "халкьди" вичи вучиз тӀалабзавач", -лагьайла, турутум акатна абурухъ, гьасятда кьил къакъудна. Кьукьмада акьуна чунни: ихьтин ксар кьаркьулув хьиз я; нуьквериз тӀегъуьн атайла, кьиферикай жеда, кьифериз тегъуьн атайла -нуькверикай. "Самур" газ., 2005, 26.Ӏ.
* нуькӀни цуькӀ хьана квахьун гл., вуж-вуч гьикьван къекъвейтӀани, гьат хъувун тавун. КилигайтӀа, пакамаз чарчик кваз кьацӀал эцигай зур гирвенка гьерен як амач. Къаюм къекъуьн тавур чка амукьнач. Амма а як, нуькни цуьк хьана, квахьна. З. Э. КУТВ-диз фена. Са нивай ятӀани ван къведа. Бес афлан руш сада чуьнуьхналда. Са кьве йикъалай гада, гьахьтин тарам руш туна, нуькни цуькӀ хьана квахьналда. З. Къ. ШейтӀандин веледар,
* нуькӀрен вилер сущ. чуьлдин вили рангунин цуьквер. Чна абуруз "нуькӀрен вилер" лугьуда. Артух фикир тагудай касди абур вили цуьквер я лагьана тада. Б. Гь. Гъетер.