ПАД

сущ.; - та, - та; - ар, - ари. - ара 1) къвал. Кьуранвай гьерен патар кӀвализ хкана. М. Б. Катай къах. 2) тереф. Ина я и патаз, я а патаз мейил тийизвай, иллаки са фикирдал алачир хизанарни авай. Гь. М. Им къван, имни терез.

* пад алачир прил. акьуллу тушир, чкадив кьан тийидай. - За ви кьуьзуьвилиз гьуьрметзава. Тавакъу ийизва, мад ахьтин пад алачир ихтилатар тийин. А. И. Самур. Ихтилат чукун патал пад алачир сив квай са кас бес я. С. Ярагъви ашукь Уьзден.

*  пад жедалди векъи, нар. тух жедалди. Ма, хъухъ пад жедалди, - мурмурзавай ада. З. Э. Муькъвел гелер

*  пад квачир сив сущ. сивел атай вуч хьайитӀани лугьудайди. Абур, якъадаш, - лагьана ада, ваз хьанвай чӀуру авазар я. Вараки, ахьтин пад квачир сиверихь яб акална, жуван кенефдин кьил квадармир. З. Э. КУТВ-диз фена.

* пад кими гафар \[ихтилат\] сущ. гьакъикъатдив кьан тийидай, ахмакьвилин лишанар квай гафар \[ихтилат \]. Гьамиша ийизва тикрар Чарада лагьай кьван кими гафар. А. Ал. Туьтуькъуш.

*  пад-къерех авун гл., ни са тайин чкадиз фидайла, лазим тир партал(ар) алукӀун.

*  пад-къерех акун гл., низ уьмуьр акун, тежриба авайди хьун. - Заз квез хьтин дуьньядин крар чидач, заз пад-къерех акурди туш. А. Ф. Лянет. Дагъдин хуьре етим яз чӀехи хьайи ва пад-къерех такур ам Димиран кӀвале есир ва къаравуш хьанвай. З. Э. Муьгьуьббатдин цӀелхем. Халкь а къадар нарази тир хьи, и кардин гъавурда анжах Уьзден хътин пад-къерех акур инсанар акьазвай. С. Ярагъви ашукь Уьзден.

* пад-къерех ягъун гл., ни жуваз паб аваз-аваз, маса дишегьлийрихъ галаз алакъалу хьун. Ваз къацак акатай данаяр акурди яни? Пад-къерех язавай итимарни гьакӀ я. Н. И. Гьакимрин папар.

* пад (патал) кьун гл., нин нин терефдар хьун. Жемятар, Шидибег хьтинбур чи хуьре мадни ава. Абуру вилериз акваз-акваз Шидибеган пад кьаз, «тапарар я» лугьуз, кхьейдаз нагьакьан гафар лугьудайла, квезни, абур вужар ятӀа, чир хьана. А. Ф. Газет. - Шахмарданова пара кӀевиз Агьмедован пад къазва. А. А. Лезгияр. Гьажиев учительницадин патал жедайди ашкара тир, гьавиляй ада сив ахъайдалди Гьуьсейнова сарарикай хьиз лагьана: -Ада, гьелбетда, ви пад кьада. А. А. Умуд.

* пад-пад авун гл., ни-куь вуж-вуч кукӀварун. Гардан вуна зи атӀайтӀани, завай аниз физ жедач. Вучиз лагьайтӀа гила ада зун къазунда, пад-пад ийида. Ф. Кесибдин хва Къагьриман.... аждагьандин ирид кьилни пад-пад авуна. Ф. Ирид юкӀ алай Магьамад пагьливан.

* пад-пад (патар-патар) хьун гл., вуч сагъ затӀ сагъвиляй акъутун, паяриз чара хьун. И арада гуьрз хтана идан кьилел аватна, патарпатар хьана гьарнихъ чкӀана. Ф. Ирид юкӀ алай Магьамад пагьливан.

ПАГЬЛИВАН
ПАДЕЖ

Digər lüğətlərdə

нагина́ть подсуди́мая свежеобстро́ганный уте́ря шевре́товый борово́й бумажная душа́ вы́хлебать законове́д луб паде́жный переименова́ние прососа́ть растерза́ть уплотне́ние гальва стебель firestorm force in ginnery logion predictable wok разведочный свекловод