(ппер) сущ.; -ци, -це; -ер, - ери, -ера чил майишатдиз гьазурун патал эгъуьндай кӀарас тум галай ракьун махсус алат. КӀваляй перни къедек квахьна. Е. Э. Къедекни пер чуьнуьхайдаз. Идарадал алтӀушнавайбурун гъилера перер, кацаяр, лумар, ракьун тӀвалар авай... А. Фет. Вак хьтин. Сенгеррал агъзурралди инсанри лумар, кацаяр, перер гваз кӀалахзавай. ЛГ. 2003, 25. ХӀӀ. Перцин тум хана, тумунин кьатӀ тӀеквендамаз, кьеженвайвиляй ам акъуд тежез, зун кимел алай чи кӀвалерин вилик кӀутани гваз алахънавай. Къ. Къайибханов. Йифен ахвар.
* яд фидай патахъ пер ягъун.
* пер кваз хьун гл., зараф., нин квек са кардик нин ятӀани иштараквал кваз хьун. Амма гьа и хуьре. Асанан перни кваз арадиз атанвай, зегьметчияр патал менфятлу цӀийи крар: батрачком, кооператив ва мсб. адан вилерикай карагзавай. З. Э. Муькъвел гелер. Вирибурукай редакторди вун хкянава. Ина зи перни тӀимил квач. Я. Я. Са фурун вакӀар.
* пер ягъун гл., ни са вуч ятӀани цун патал перцелди чил лазим къайдадиз гъун. чил эгьуьнун. Бязи вахтара дишегьлийри перни язава, кьарада гьахьна кирпичарни атӀузва. И. В. Адан тӀвар Вели, зи тӀвар Пери я. Генг майдандиз пер ягъа, Штиларни битмиша... Ш. Къ. Перт кьуьзубур. - Тенфе къаридин салан пипӀезни пер ягъун патал Къудрат атана кӀанзавай Шагъ-Бубадиз. А. Къ. Нехирбанни лекь. Я Рзахан, вуна салаз пер ягъа тӀу! С. М. ЦицӀигъ-наме.