\[пhер\] фарс, сущ.; -ди, -да къенепатан гьал, бедендин умуми гьал. Ви гъалар гьамиша я хуррам, Захъ даим перишан пер ава. М. Б. Вафалувал. Синонимар: кефи, гуьгьуьл, гьевес.
* пер хун гл., ни-куь нин. нихъ-квехъ ятӀани авай хъсан гьиссер тӀимил хьун. Гъани хандин дестеяр сад-садан гуьгъуьналлаз вацӀун а патаз экъечӀнамазди "я Аллагь", "я Аллагь" ванер кьилеллаз абуру дагъвийрал гьужумайла, Сурхай хандин кьушундин пер хана. З. Р. Гьажи Давуд. Пер ханвай Гьайдарбега патав акъвазнавай эмирдиз лагьана: - Экуьнахъ фад чна Ахцегь къеледал гъужум ийида. З. Р. Гьажи Давуд.