араб, сущ.; -ди, -да; -ар, -ри, -ра авай, хьайи ва жезмай чӀуру кардикай туькьуьл гьисс. Ам, кьил чиле туна, курпашмандиз акъвазнавай. Вилера хажалат авай. Ф. Гъуьлуьн руш. Рекьидалди алат тийир хажалат Ви далудал кӀеви мягькем пар жеди. Е. Э. Кьве паб. Заз къаргъишар ийидайла,... Лагь: Ви къулав тахьурай гьич мугьманар, рикӀени ви хажалатдин тӀал хьурай! А. С. Хцихъ галаз ихтилат. И дуьньяда дердер-гъамар, Хажалатар пара ава. М. Салахъ. Бажарагълу духтур Рамазанов Мирзегъадиз. Синонимар: дерт, гъам, пашманвал, сефилвал.
* хажалат(ар) авун \[чӀугун ) гл., ни авай, хьайи ва жезмай чӀуру кардикай туькьуьл фикирар. авун. Мад хажалат чӀугвачир за Ачух дуьнья дар я лугьуз. Е. Э. Лугьуз. Бес я; гьикьван на зав хажалатар чӀугваз тада? - тади кваз лагьана Зелфиди. А. А. Умуд. Синоним: дерт чӀугун.
* хажалат(ар) гун гл., ни-куь низ туькьуьл гьисс(ер) чӀугваз тун. Чин чӀур ийиз хъфиз кӀвализ, Хажалатар гуз зи рикӀиз. Е. Э. Къарагуьз. Вучиз хьанва бейадалат? Куьз гуда на чаз хажалат? С. С. Урусатдиз. Са тӀимилбур масакӀа рекьизва, чан хва: Гайивиляй хажалат дидедиз чпин - Авурвиляй хаинвал уьлкведиз чпин. А. С. Зи бубади...
* хажалат хьун гл., низ туькьуьл гьисс(ер) хьун. ЧӀал кхьизни рикӀ дарих я, Хажалатар хьайила. С. РикӀ дарих я. Мад лифер синел хтаначир. Инсанриз абур тахтуникай хажалат хьанвай; З. Гь. Лифер. Синоним: дерт хьун.