|| ( РАХУНАРУН аспектив ) гл.; -ада || -арда, -ана || - на; -аз || -из, -азва || ' -зава; ух || -а. -ан || -ин, - урай || -рай, -амир || -мир; рахун ( ар ) тавун, рахун ( ар ) тахвун, рахун ( ар ) хъийимир 1) вуж гафар сивяй акъудун. Варарив гьеле агакь тавунмаз килигайтӀа... яшлу итимар, чинар чӀурна, рахан тийиз, мадни аскӀан хъувуна, гьаятдиз физва. А. А. Лезгияр. Алпанвияр, лезги гафар авайвал "таржума авуна ", рахада. Месела: «геле вар» ( къвез ава ), «геде вар» ( физ ава ) ва мсб. М. М. Лацу лекеяр. Эгер кӀвале жуван хайи чӀалал рахазвачтӀа, а хизандай тир аялдиз школада дидед чӀал чирун хуш къведач, я адалай и кар алакьни ийидач. X. Шайдабегова. Дидед чӀал чируниз артух фикир. Заз вав рахаз кӀанзава, руш, кӀанзава. Вазни рахаз кӀанзавайди чида заз. М. Салахъ. Сонет. - Алад, алад! Гзаф рахунармир, - лагьана Гьажиди. - Икьрар пулдилай багъа я. Кумукьна - вач базардиз! А. Къ. Мал цаваравай савдагар ва я рикӀелни алачир командировка. 2) вуж ихтилат авун. Ваз гьарайда, вун явашдиз рахайла. Е. Э. Пис папаз. Ширин мецел вавди рахун заз кӀанда. Е. Э. КӀани яр. 3) вуж никай-квекай жуван фикир лугьун. Ам вичин кӀелунрикай гьич рахадач. Жалил халу, вакӀар ямир лугьуз, чи бубадив рахадай. Адаз къайгъу тушир, вичиз чидайвал ийидай. ЦипӀицӀ галаз Шалбуз дагъда || Шейх Желил буба. 4) вуж нелай фитнеяр авун. Залай рахун куь нефсериз кӀанид я. Е. Э. КӀандач рекьиз, гафар амаз лугьудай. Ви мукьвади валай хаин рахади. Е. Э. Синонимар: битӀбитӀар авун, лагълагъар авун, элуькьун.
* рахун-луькӀуьн сущ. 1) рахунин алакъа(яр ). Рахач абур сад садавди ачухдиз, Рахун-луькӀуьн гьар патахъай къал жеди. Е. Э. Къва паб. 2) гафаралди никай-квекай ятӀани наразивал къалурун.
* рахунар авун гл., ни ихтилат авун. Райкомдин секретардини колхоздин председателди гена хейлин рахунар авуна. З. Э. Муькъвел гелер.
* рахун алачиз нар. кьве фикир жедай себеб авачиз. - Аллагь таалла эзиму КӀанди чпиз нуьсрет гурай. Рахун алачиз, абуру, лап фадвилелди кафирар къирмишна, вири мусурманар азад ийида. А. И. Самур. Синоним: шаксуз.