Belə zənn etmək olar ki, sözün əsli quşbərə olub. Quş farsca “qulaq” deməkdir. Düşbərə zahiri formasına görə qulağa bənzəyir (пельмени sözündəki пел də udmurt dilində “qulaq” anlamını verir), ona görə də quşbərə adlanıb, bərəhissəsi isə farsca “quzu” deməkdir. Düşbərə zahirən quzunun qulağına bənzəyir. Buna “qazan bükməsi” də deyiblər. (Bəşir Əhmədov. Etimologiya lüğəti)
Düşbərə
Düşbərə — Azərbaycanın milli xörəklərindən biri. Qoyun ətindən bişirilir.
Lazım olan ərzaqlar:
Qoyun əti — 108 q.
Buğda unu — 40 q.
Yumurta — 1/4 ədəd
Baş soğan — 18 q.
Şərab sirkəsi — 10 q.
Keşniş — 15 q.
Nanə qurusu −10 q.
İstiot
Duz.Hazırlanma qaydası:
Düşbərə hazırlamaq üçün sümüklərdən bulyon bişirilir, qoyun ətinin yumşaq hissəsindən soğan və ədviyyat qatmaqla qiymə hazırlanır. Mayasız yoğrulmuş bərk xəmir 1 mm qalınlığında yayılıb kiçik kvadratlar şəklində doğranır.