GƏLMƏK Vəlişlə Qarabirçək dözə bilməyib Kübragilə gəldilər (Ə.Vəliyev); AYAQ BASMAQ/QOYMAQ [Vəzir məktubu oxuyur:] Basma ayağını bizim torpağa; İlandan, əqrəbdən yar ola bilməz (S.Vurğun); BUYURMAQ, QƏDƏM BASMAQ/ QOYMAQ Dün naz ilə qədəm basanda bağa; Şümşadü sənubər düşdü ayağa... (Q.Zakir); DƏYMƏK (dan.) Qarı: Sabah bir bura dəy, mənim sağımda bir qız yaşayır (S.Vəliyev); TƏŞRİF GƏTİRMƏK/BUYURMAQ Molla əmi, and olsun sənin canına, gəlmənəm; sən qabaqca bizə təşrif gətirməsən, mən sizə gəlmənəm (C.Məmmədquluzadə).