GÜCSÜZ (gücü, taqəti olmayan) [Gülüş:] Görürsünüz ki, rəqibiniz nə qədər gücsüzdür (C.Cabbarlı); BİTAQƏT Belə gözəl düşə ay qabağına; Tamaşa eyləyən bitaqət olur (M.P.Vaqif); QÜVVƏTSİZ Lakin qızışmış köhlən at qüvvətsiz uşağa qulaq asmadı.. (S.S.Axundov); NATƏVAN (kl.əd.) Uğrunda ta ki, eşqin zərrə qılur dağları; Bu Xətayi xəstə andan natəvan olmuş durur (Xətayi); TAQƏTSİZ Lakin qızıl ölkəm üçün ən qiymətli olan bir şeyin qırılıb içimə düşdüyünü hiss edincə qollarım taqətsiz bir halda yanıma düşdü (A.Şaiq); ZƏBUN Qəhr pəncəsində eyləmiş zəbun; Qırılmış qanadı, qolu yoxsulun! (Ə.Cavad); HALSIZ (bax), HEYSİZ, İQTİDARSIZ.