Fars mənşəlidir. Türk dillərində onun əvəzinə, deşmək feilindən əmələ gəlmiş tişmən (müqayisə et: öyrətmən, getmən, örtmən...) sözü işlədilib. İndi bəzi dillərdə iskənə yox, ötürkü sözündən istifadə edilir. Qax rayonunda kəsmək sözünün sinonimi kimi ötmək feili indi də işlədilir. Qədim mənbələrdə ötmək sözü “deşib əks tərəfdən çıxmaq” kimi açıqlanıb və ruscaya “насквозь” kimi tərcümə edilib. (Bəşir Əhmədov. Etimologiya lüğəti)
İskənə
İskənə — metal, dəmir və ağacların emalında tətbiq olunan, metaldan hazırlanmış alətdir. Tablandırılmış tilləri olan bu alətin uc hissəsi paz formasındadır. Iskənə çəkicin köməyi ilə emal olunan hissələri parçalamaq və ya yonmaq üçün istifadə olunur. Ağac üçün nəzərdə tutulmuş iskənələr tablandırılmış poladdan, daşın emalı üçün isə bərk xəlitədən hazırlanırlar. İşin təhlükəsiz aparılıması üçün alətə plastmas, ağac və ya metaldan hazırlanmış başlıq keçirilirək əlin zədələnməsinin qarşısı alınır.
