Dan üzü ifadəsinin sinonimidir. Həmin vaxt hamı, hətta itlər də şirin yuxuya gedir və qurd ova başlayır, ağzına yem gəlir. Söz də bununla bağlı yaranıb. Mollalar heyvanı qurddan qorumaq üçün dua oxuyur, qurdağzı bağlayırlar. Xalq etimologiyasında sözün mənası “canavarın ağzını bağlamaq” kimi şərh olunur. Dilini-ağzını bağlamaq ifadəsi də var və ikinci yozuma haqq qazandırmaq üçün dəlil ola bilər. Türk dillərinin bəzilərində qurdağzı sözü “dan üzü” kimi başa düşülür. Qurt sözü “içmək” (yemək...) mənasını əks etdirən feil olub (bir qurtum su...), “canavarın yem (ov) vaxtı” (bu ən çox danüzü baş verir) deməkdir; qurdağzı bağlamaq “canavarın danüzü olan fəaliyyətini dayandırmaq” kimi anlaşıla bilər. Mübahisəlidir. (Bəşir Əhmədov. Etimologiya lüğəti)
Qurdağzı
Qurdağzı (lat. Antirrhinum) — bitkilər aləminin dalamazçiçəklilər dəstəsinin bağayarpağıkimilər fəsiləsinə aid bitki cinsi.
Qurdağzı formaca buruna oxşadığına görə bu bitkiyə "burunaoxşar" bitki adı verilmişdir. Ləçəklərin kənarından 2 barmaqla sıxdıqda qurd ağzı kimi açılır, bu zaman erkəkciklər dili xatırladır, buna görə də ona qurdağzı bitkisi deyirlər. 50-yə yaxın növündən gülçülükdə yalnız bir növü istifadə olunur. Böyük qurdağzı (A. Majus) birillik kimi yetişdirilən çoxillik mədəni bitkidir. Yabanı halda Şimali Afrikada, Asiyada və Cənubi Avropada geniş yayılmışdır. Yaşıllıqların salınmasında dekorativ bitki kimi 1567-ci ildən istifadə olunur. Çiçəkləmə müddətinə, hündürlüyünə və güllərin ölçülərinə görə fərqlənən bu bitkinin bir neçə forması vardır. Qurdağzı şitillə yetişdirilir.