SƏNAN
işlək, çalışqan, zəhmətsevər; təriflənən, mədh edilən, kəskin, sivri; Ərəb tarixçisi Tariq ibn Sənanın adından yaranmışdır. Səna dağı və şəhərinin adı da məhz onun adı ilə bağlıdır.
Sənan Musayev
Sənan Hüseynoviç Musayev (13 aprel 1923, Qusar, Quba qəzası – 1983) — Azərbaycan SSR Ali Məhkəməsinin sədri (1957–1962).
Sənan Hüseynoviç Musayev 1923-cü ildə Qusar şəhərində müəllim ailəsində anadan olmuşdur. Orta məktəbi bitirdikdən sonra 1941–1942-ci illərdə istehsalatda işləmiş, 1942–1944-cü illərdə Böyük Vətən müharibəsində iştirak etmişdir. 1944-cü ildə Azərbaycan Dövlət Universitetinin Hüquq fakültəsinə daxil olmuş və 1949-cu ildə oranı bitirmişdir.
1949–1951-ci illərdə Azərbaycan Dövlət Universitetində elmi katib və mülki hüquq kafedrasının baş müəllimi vəzifələrində işləmişdir.
Sənan Musayev 1951–52-ci illərdə Azərbaycan KP MK-nın mühazirəçilər qrupunun rəhbəri, 1952–1954-cü illərdə Azərbaycan KP Bakı Şəhər Komitəsində təbliğat və təşviqat şöbəsinin müdiri olmuşdur.
1954–57-ci illərdə Azərbaycan Respublikası Prokurorunun müavini, 1957–1962-ci illərdə Azərbaycan SSR Ali Məhkəməsinin sədri, 1974–1980-ci illərdə isə Bakı şəhər Nərimanov rayon xalq məhkəməsinin sədri vəzifələrində işləmişdir.
1962–1974-cü illərdə Sənan Musayev Azərbaycan Elmi-Tədqiqat Məhkəmə Ekspertizası İnstitutunda direktor müavini vəzifəsində çalışmışdır.
Dəfələrlə Bakı şəhər Sovetinə, Bakı Vilayət Sovetinə, Nərimanov rayon Sovetinə deputat seçilmişdir.
Sənan Musayev məhkəmə ekspertizasının təşkili və metodikası sahəsində çoxsaylı elmi məqalə və məcmuələrin müəllifidir.
Sənan Mustafayev
Sənan Məmmədəmin oğlu Mustafayev (1929, İsmayıllı – 8 yanvar 2016) — Azərbaycan alimi, professor (1971), Azərbaycan SSR əməkdar elm xadimi (1990).
Sənan Məmmədəmin oğlu Mustafayev 1929-cu ildə İsmayıllıda müəllim ailəsində anadan olub.
1946-cı ildə Tibilisi Dəmir yol Mühəndisləri İnstitutunun Bakı filialına daxil olub, 1951-ci ildə tərkibinə birləşdirilmiş Azərbaycan Politexnik İnstitutu fərqlənmə diplomu ilə bitirərək institutda saxlanılıb, baş lobarant, assistent vəzifəsində işləyib.
1953-cü ildə Azərbaycan Neft və Kimya institutunun aspiranturasına daxil olub və 1956-cı ildə aspiranturanı bitirdikdən sonra assistent, baş müəllim, dosent vəzifələrində çalışıb. 1971-ci ildə professor elmi adını alıb.
S. Mustafayev 1961–1963-cü illərdə Ali və orta ixtisas Təhsil Nazirliyində elm idarəsinin rəisi, 1963–1964-cü illərdə Ali məktəblər idarəsinin rəisi, 1964–1974-cü illərdə nazirin birinci müavini, 1975-ci ildə yeni yaradılmış Azərbaycan İnşaat Mühəndisləri İnstitutunun rektoru,1978–1983-cü illərdə Əfqanıstanda təhsil məsələləri üzrə müşavirlər qrupunun rəhbəri, 1983–1984-cü illərdə Ali və orta ixtisas Təhsil Nazirinin beynəlxalq əlaqələr üzrə müavini, 1984-cü ildən 2005-ci ilə qədər Azərbaycan Dövlət Neft Akademiyasının "Materialşünaslıq və materialların texnologiyası" kafedrasının müdiri olub.
1 fevral 1990-cı ildə "Azərbaycan SSR əməkdar elm xadimi" fəxri adına layiq görülüb, 14 dekabr 2000-ci ildə "Şöhrət" ordeni, SSRİ medalları və Əfqanıstanın "Dostluq" ordeni ilə təltif edilib.
Sənan Qurbanov
Sənan Qurbanov (rus. Курбанов, Санан Шамиль оглы; azərb. Sənan Şamil oğlu Qurbanov; 12 avqust 1938, Bakı – 24 dekabr 1999, Bakı) — Azərbaycanlı heykəltaraş və qrafika ustası, Azərbaycan və SSRİ Rəssamlar İttifaqlarının üzvü. Sənan Qurbanov eyni zamanda Azərbaycan Dövlət Akademik Milli Dram Teatrında hazırlanmış tamaşaların səhnə tərtibatı ilə də məşğul olmuşdur.
Sənan Qurbanov 1938-ci ilin 12 avqust tarixində Bakı şəhərində anadan olub. 1955 - 1959-cu illərdə Əzim Əzimzadə adına Bakı Rəssamlıq Məktəbinin heykəltaraşlıq faklütəsi üzrə təhsil almışdır. 1960 - 1963-cü illərdə təhsilini Sankt-Peterburq şəhərində yerləşən Rəssamlıq məktəbində davam etdirmişdir. 1963-cü ildə təhsil aldığı dövrdə qərb burjua mədəniyyətini ali təhsil müəssisəsində yayması ittihamı ilə universitetdən xaric edilmişdir. 1963-1967-ci illərdə geridə qalan təhsilini Azərbaycan Dövlət Mədəniyyət və İncəsənət Universitetində tamamlamışdır.
1992-ci ildə Vyana şəhərində yerləşən Arik Brauer Qalereyasında sərgi.
Sənan Sultanov
Sənan Sultanov (rejissor) — rejissor, Qızıl dərviş mükafatı laureatı (2012)
Sənan Sultanov (memar) — Azərbaycanın mühəndis-memarı.
Sənan Syuqirov
Sənan Syuqirov (rus. Сюгиров Санан Вячеславович, 31 dekabr 1993, Elista, Rusiya) — rusiyalı şahmatçı, qrosmeyster (2009).
2003-cü ildə 10 yaşadək oğlanlar arasında Dünya Çempionu olmuşdur.
2007-ci ildə 14 yaşadək gənclər arasında Dünya Çempionu olmuşdur.
2008-ci ildə o, Budapeştdə Birinci Şənbə Qrosmeyster turnirinin qalibi olmuşdur.
2009-cu il Dünya Kubokunda iştirak etmiş, lakin ilk raundda rəqibi Laurent Fressinet tərəfindən məğlub edilmişdir.
2011-ci ildə Taqanroqda keçirilən Yüksək Liqa Rusiya Çempionatında 4–12 yerləri bölüşdürmüşdür.
Sanan Sjugirov. Chess-DB.com Arxivləşdirilib 2016-09-16 at the Wayback Machine (ing.)
Sanan Sjugirov. 365chess.com (ing.)
Sanan Sjugirov.
Sənan Süleymanov
Sənan Əmrah oğlu Süleymanov (15 dekabr 1996; Dmanisi, Gürcüstan) — Azərbaycanı təmsil edən yunan-roma güləşçisi, 2020-ci il Avropa Çempionatının qalibi.
Sənan Süleymanov 2012-ci ildə Polşada yeniyetmələr arasında Avropa Çempionatının və Azərbaycanda yeniyetmələr arasında Dünya Çempionatının gümüş medallarına sahib oldu. 2016-cı ildə isə Sənan Süleymanov Rumıniyada gənclər arasında Avropa Çempionatını bürünc medalla başa vurdu.
2017-ci ildə Sənan Süleymanov əvvəlcə Macarıstanda U23 Avropa Çempionatını 7-ci, sonra isə Serbiyada Avropa Çempionatını 11-ci pillədə başa vurdu. 2019-cu ildə Kiyev şəhərində baş tutan beynəlxalq turnirin qalibi olan Sənan Süleymanov, Qazaxıstanda Dünya Çempionatını 8-ci pillədə, Macarıstanda U23 Dünya Çempionatını isə gümüş medalla başa vurdu.
2020-ci ildə isə Sənan Süleymanov Roma şəhərində (İtaliya) baş tutan Avropa Çempionatının final görüşündə Macarıstan nümayəndəsi Zoltan Levai üzərində qələbə qazanaraq Avropa Çempionatının qalibi oldu. 2021-ci ildə Fransada Fransa Qran-Prisini və Macarıstanda Avropa Olimpiya Təsnifat Turnirinin bürünc medallarına sahib olan Sənan Süleymanov, Varşava şəhərində (Polşa) Avropa Çempionatını bürünc, Oslo şəhərində (Norveç) Dünya Çempionatını isə gümüş medallarla başa vurdu.
2022-ci ilin fevralında İstanbul şəhərində Vəhbi Əmrənin xatirəsinə həsr olunan beynəlxalq turniri gümüş medalla başa vuran Sənan Süleymanov, martda Budapeşt şəhərində Avropa Çempionatının bürünc, avqustda Konya şəhərində V İslam Həmrəyliyi Oyunlarının isə gümüş medalına sahib oldu. Sentyabrda Belqrad şəhərində (Serbiya) baş tutan Dünya Çempionatında isə uğursuzluqla üzləşdi və turniri 20-ci pillədə başa vurdu.
2023-cü ildə Sənan Süleymanov əvvəl Zaqreb şəhərində (Xorvatiya) baş tutan Zagreb Open beynəlxalq turnirini 28-ci pillədə, sonra da apreldə Avropa Çempionatını 20-ci pillədə başa vurdu.
Sənan Hacıyev
Sənan Firudin oğlu Hacıyev (1978) — azərbaycanlı hüquqşünas; Azərbaycan Ali Məhkəməsinin hakimi (2018—h/h).
Sənan Firudin oğlu Hacıyev 1978-ci ildə anadan olub. 2000-ci ildə Azərbaycan Tibb Universitetindən, 2001-ci ildə isə Azərbaycan Beynəlxalq Universitetinin Hüquq bölməsindən (qiyabi) məzun olub. 2004-cü ildə Bakı Dövlət Universitetinin Hüquq fakültəsi magistr dərəcəsi alıb.
2001-2006-cı illərdə Ədliyyə Nazirliyinin Elmi-Tədqiqat Məhkəmə Ekspertizası, Kriminalistika və Kriminologiya Problemləri İnstitutunun elmi işçisi olub.
2006-2010-cu illərdə Ədliyyə Nazirliyi Beynəlxalq əməkdaşlıq İdarəsində məsləhətçi, aparıcı məsləhətçi, baş məsləhətçi vəzifələrində çalışıb.
2010-2013-cü illərdə Nərimanov Rayon Məhkəməsinin hakimi olub.
2013-2018-ci illərdə isə Bakı Apellyasiya Məhkəməsinin hakimi olub.
2 noyabr 2018-ci ildə Azərbaycan Prezidentinin təqdimatına, Azərbaycan Milli Məclisinin razılığına əsasən Azərbaycan Ali Məhkəməsinin hakimi təyin olunub.
6 may 2020-ci ildə isə Azərbaycan Ali Məhkəməsinin Mülki Kollegiyasının sədri vəzifəsinə təyin olunub.
Sənan Əlizadə
Sənan Əliəşrəf oğlu Əlizadə (6 may 1943, Bakı – 31 yanvar 2008, Bakı) — Azərbaycan dövlət xadimi, "Azərineft" Dövlət Konserninin prezidenti (1991–1992), Bakı Şəhər Xalq Deputatları Soveti İcraiyyə Komitəsinin sədri (1990–1991).
Sənan Səmədov
Sənan Səmədov (tam adı:Sənan Sabir oğlu Səmədov) — Azərbaycan rəssamı.
Sənan Sabir oğlu https://www.saatchiart.com/sanan. https://artnow.ru/ru/gallery/0/6744.html Səmədov 1961-ci il aprel ayının 29 Quba rayonunda anadan olmuşdur. 1978-80-ci illərdə rəssamlıq məktəbində tərtibatçı-rəssam ixtisasına yiyələnmişdir. 1982-87-ci illərdə Azərbaycan Pedaqoji İnstitutu Bədii-qrafika fakültəsini bitirmişdir. Sənan Səmədov təhsil aldığı illərdən irimiqyaslı sərgilərin iştirakçısı olmuşdur. Bir sıra respublika miqyaslı və ümumiittifaq (keçmiş SSRİ) sərgilərinin iştirakçısı olmuşdur. Aktiv yaradıcılıq fəaliyyət göstərdiyinə görə 1986-ci ildə SSRİ Rəssamlar İttifaqı Gənclər birliyinə tələbə ikən qəbul edilmişdir. Hal-hazırda Azərbaycan Rəssamlar İttifaqının üzvüdür.
Uşaqlıqdan Səttar Bəhlulzadə
kimi bir rəssamla ünsiyyəti onun gələcək yaradıcılıq həyatının başlanğıcını qoyur.
Sənan İbrahimov
Sənan İbrahimov (tam adı:Sənan Məmmədəli oğlu İbrahimov; 18 aprel 1959, Culfa, Naxçıvan MSSR, Azərbaycan SSR, SSRİ) — Filologiya elmləri doktoru, professor, filoloq, şərqşünas, mətnşünas, yazıçı-dramaturq, nizamişünas.
18 aprel 1959-cu ildə Naxçıvan MSSR-in Culfa rayonunda anadan olmuşdur.
1976-cı ildə orta məktəbi bitirmişdir.
1977-ci ildə Leninqrad (indiki Sankt-Peterburq) şəhərində Aviasiya məktəbində oxumuşdur. "Mİ-8" vertolyotları üzrə aviamexanik-pilotdur.
1980-1985-ci illərdə Azərbaycan Dövlət Universiteti (indiki Bakı Dövlət Universiteti) Şərqşünaslıq fakültəsində oxumuşdur.
1979-cu ildə hərbi xidmətini bitirmişdir.
1985-1987-ci illərdə Əfqanıstanda hərbi müşavir-tərcüməçi olmuşdur.
1992-1994-cü illərdə Milli Orduda olmuş: Bakı Ali Birləşmiş Komandirlər Məktəbində dosent vəzifəsində çalışmışdır.
Hərbi əməliyyatlarda göstərdiyi rəşadətə görə 2 döyüş ordeni, 3 medalla təltif olunmuş və hərbi bacarığına görə iki dəfə xüsusi təltifata layiq görülmüşdür.
Sənan Şəfizadə
Sənan Şəfizadə (tam adı: Sənan Nadir oğlu Şəfizadə; 14 fevral 1984, Bakı) — Azərbaycan jurnalisti, televiziya aparıcısı və sənətşünaslıq üzrə fəlsəfə doktoru.
Sənan Nadir oğlu Şəfizadə 1984-cü il fevralın 14-də Bakıda anadan olub. Orta təhsilini 1990–2000-ci illərdə Bakı şəhəri, Yasamal rayonundakı Paşa Nəzərov adına 60 saylı orta məktəbdə alıb. Azərbaycan Dövlət Rəssamlıq Akademiyasının məzunudur.
2006-cı ildə sənətşünaslıq ixtisası üzrə magistr dərəcəsini bitirib. 2014-cü ildə namizədlik işini uğurla müdafiə edərək sənətşünaslıq üzrə fəlsəfə doktoru elmi dərəcəsinə layiq görülüb.
2000-ci ildən müxtəlif vaxtlarda "Tələbə Press", "168 saat", "Futbol Proqnoz" eləcə də Rusiyanın "Sport Ekspress" qəzetlərində işləyib, "Region Plus", "Nargis" jurnalı və azerisport.com portalıyla əməkdaşlıq edib.
2007 və 2012-ci illərdə Azərbaycan Respublikasının Gənclər və İdman nazirliyi tərəfindən "İlin idman jurnalisti" seçilib. 2013-cü ildə İdman Araşdırmalar Mərkəzinin sorğusuna əsasən "İlin idman jurnalisti" mükafatını qazanıb. 2009 və 2014-cü illərdə "İlin ən yaxşı idman aparıcısı" nominasiyasında "Zəfər" Yüksək İdman Nailiyyətləri mükafatına layiq görülüb.
Sənan Ələskərov
Sənan Arif oğlu Ələskərov (10 yanvar 1956) — fotoqraf.
Sənan Ələskərov 10 yanvar 1956-cı ildə Bakıda anadan olub. 1982-ci ildə Bakı Dövlət Universitetini jurnalistika fakültəsini bitirib.
Uşaqlıqda təyyarəçi, maşinist, kinooperator, arxeoloq, gitaraçı olmaq istəyən Sənan Ələskərov bütünlüklə özünü foto sənətinə həsr etməklə sanki bütün uşaqlıq arzularını həyata keçirmiş olur.
Son zamanlar isə Sənan Ələsgərovu sənədli foto daha çox maraqlandırır. Onun fikrincə bundan daha çox sürrealist sənət təsəvvür etmək mümkün deyil. Odur ki, doğma Abşeron torpağının hər qarışında, əhatəsində olduğu adamların, yaşadığı məhəllənin civarında belə öz süjetlərini tapa bilir.
Sənan Ələskərov 1989-1990-cı illərdə Xəzər fotoklubunun sədri olub. 1976-2000-ci illərdə jurnalist, elmi və tətbiqi fotoqrafiya ilə məşğul olub. Azərbaycan Fotoqraflar Birliyinin üzvüdür.
Kürəkən Sənan Paşa
Kürəkən Sənan Paşa (osman. دمة سنان باشا; v. 12 yanvar 1504, Konya və ya Anadolu əyaləti) — Osmanlı sultanı II Bəyazid dönəmində müxtəlif vəzifələrdə xidmət etmiş dövlət xadimi.
Əsli, doğum tarixi və saraya necə alındığı məlum deyil. 1492-ci ildə Əndərundakı təhsilini tamamlamış və Gəlibolu sancaqbəyliyi ilə kaptan-ı dərya təyin edilmişdir. Ardından II Bəyazidin qızlarından Ayşə Sultanla evləndirilmiş və bu nikahdan 6 övladı dünyaya gəlmişdir.
1493-cü ildə kaptan-ı dəryalıqdan alındı və bir müddət dövlət vəzifələrindən uzaq tutuldu. 1501-ci ildə Anadolu bəylərbəyi təyin edilsə də, çox keçmədən 12 yanvar 1504-cü ildə Konyada vəfat etdi.
== Övladları ==
Sultanzadə Əhməd bəy — Vize sancabəyi oldu və 1506-cı ilin yanvarında Rumeli bəylərbəyi Həsən Paşanın qızıyla evləndi və bir qızı dünyaya gəldi.
Gövhərxan Sultan
Ayşə xanım Sultan — Ankara sancaqbəyi Dukakinzadə Əhməd bəylə evləndi.
Möhsün Sənani
Möhsün Sadıq oğlu Cəfərov (Sənani) (19 iyun 1900, Tiflis – 11 fevral 1981, Bakı) — Azərbaycan teatr və kino aktyoru, Azərbaycan SSR xalq artisti (1949).
Möhsün Sənani 1900-cü ildə Tiflisin "Şeytanbazar" məhəlləsində ruhani ailəsində anadan olmuşdur. 4–5 yaşında ikən ata-anasını itirmiş, nənəsinin himayəsində qalmışdır. 1906-cı ildə nənəsi onu mədrəsəyə qoyur. Nənəsinin məqsədi nəvəsini mollalığa hazırlamaq və gələcəkdə onu atası kimi mərsiyəxan eləmək idi. Lakin Möhsün nə mədrəsəni oxuyub başa çatdıra bilir, nə də ki nənəsinin arzusu yerinə yetir. 1908-ci ildə nənəsi vəfat edir, xalası molla Zinyət onu öz himayəsinə götürür. Molla Zinyət, Azərbaycanın xalq artisti Əli Qurbanovun anasıdır. Molla Zinyət Möhsünü öz uşaqlarından çox istəyir. O, Sənaninin oxuması ilə şəxsən məşğul olur.
Ofeliya Sənani
Ofelya Hacağa qızı Sənani (26 may 1941, Bakı) — televiziya aparıcısı, aktrisa, Azərbaycan Respublikasının xalq artisti (1991). Azərbaycan Respublikası Prezidentinin fərdi təqaüdüçüsü
Ofeliya Sənani Azərbaycan Dövlət Universitetini bitirmişdir (1966). Gültəkin Cabbarlının yetirməsidir. Teleradio Verilişləri Şirkətinin diktorudur. 1959–1975 illərdə radioda işləmiş, bir sıra radio tamaşalarında baş rollarda çıxış etmişdir. 1975-ci ildən televiziyada fəaliyyət göstərir. 1960–1990-cı illərdə eyni zamanda "Azərbaycanfilm" kinostudiyasının dublyaj şöbəsində işləmiş, 100-dən artıq filmin baş qəhrəmanlarını səsləndirmişdir. Kinofilmlərdə də çəkilmişdir ("Dağlarda döyüş", "Ulduzlar sönmür" bədii filmləri, "Bakı bulvarı", "Mücrü" və s. televiziya filmləri).
2002-ci ildən prezident təqaüdçüsü olub.
Ofelya Sənani
Ofelya Hacağa qızı Sənani (26 may 1941, Bakı) — televiziya aparıcısı, aktrisa, Azərbaycan Respublikasının xalq artisti (1991). Azərbaycan Respublikası Prezidentinin fərdi təqaüdüçüsü
Ofeliya Sənani Azərbaycan Dövlət Universitetini bitirmişdir (1966). Gültəkin Cabbarlının yetirməsidir. Teleradio Verilişləri Şirkətinin diktorudur. 1959–1975 illərdə radioda işləmiş, bir sıra radio tamaşalarında baş rollarda çıxış etmişdir. 1975-ci ildən televiziyada fəaliyyət göstərir. 1960–1990-cı illərdə eyni zamanda "Azərbaycanfilm" kinostudiyasının dublyaj şöbəsində işləmiş, 100-dən artıq filmin baş qəhrəmanlarını səsləndirmişdir. Kinofilmlərdə də çəkilmişdir ("Dağlarda döyüş", "Ulduzlar sönmür" bədii filmləri, "Bakı bulvarı", "Mücrü" və s. televiziya filmləri).
2002-ci ildən prezident təqaüdçüsü olub.
Qoca Sənan Paşa
Qoca Sənan Paşa (d. 1520 - ö. 3 aprel 1596) - Sultan III Murad və III Mehmed dönəmlərində 5 dəfə - ümumilikdə 8 il 5 ay müddətinə sədrəzəm olmuş Osmanlı dövlət adamıdır. Dörd padşahın dövründə müxtəlif vəzifələrdə xidmət göstərən Sənan Paşa, I Süleyman dönəmində çaşnigarbaşı, Malatya sancaqbəyi, ardından isə Ərzurum və Hələb bəylərbəyi təyin edildi. II Səlim dönəmində isə Misir bəylərbəyi, qübbəaltı vəziri, Yəmən və Tunis Fatehi, III Murad dönəmində isə İran səfəri sərdarı və 1580-ci ildə sədrəzəm təyin olundu.
İsrafçılığın, rüşvətin və yolsuzluğun son həddə çatdığı bir dönəmdə uzun müddət sədarətdə qalan Sənan Paşa Osmanlı tarixinin ən qüdrətli sədrəzəmlərindən biridir. Ancaq buna baxmayaraq bəzi tarixçilərə görə, Sənan Paşanın xidmətləri qədər dövlətə ziyan bir çox qərarları da olmuşdur. Belə ki, 1593 tarixində başlayan və 13 il davam edən Avstriya müharibəsini sırf "Vyana Fatehi" təxəllüsünü almaq məqsədilə başlatdığı qəbul edilir. Rəqibləri Lələ Mustafa Paşa və Fərhad Paşa ilə apardığı siyasi mübarizə o dönəmə damğasını vurmuş, xüsusilə də Fərhad Paşa ilə aralarında gedən mübarizə səbəbilə Osmanlı ordusunda yeniçəri və sipahi qüvvələri arasında parçalanmalar baş verdi.
Vəfatının ardından şəxsi xəzinəsində 600 min qızıl sikkə, milyonlarca gümüş sikkə, sandıqlarla dolu zinət əşyaları, 600 samur kürk aşkara çıxdı.
Sənan Sultanov (memar)
Sənan Sultanov — Azərbaycanın mühəndis-memarı.
2018-ci ildə "Azərmarka" tərəfindən buraxılmış Azərbaycan Memarlar İttifaqına həsr olunmuş "Markalı kitabda"kı 12 markadan biri Sənan Sultanova həsr edilmişdir.
Sənan Sultanov (rejissor)
Sənan Sabir oğlu Sultanov — qısametrajlı sənədli televiziya filmləri rejissoru, tammetrajlı filmlərdə rejissor asistenti, ssenarist, aktyor, mətn oxuyan, prodüser, arxiv kadrlarda iştirak edən, "Qızıl Dərviş" mükafatı laureatı (2012).
Sənan Sabir oğlu Sultanov 29 oktyabr 1978-ci ildə Bakıda dünyaya göz açıb. 4 saylı rus məktəbini bitirdikdən sonra Azərbaycan Dövlət Mədəniyyət və İncəsənət Universitetinin rejissorluq fakültəsinə daxil olub. Bir çox sənədli filmlərin rejissorudur. Hal-hazırda Azərbaycan Televiziyasının film studiyasında rejissor kimi fəaliyyət göstərir. Atası əməkdar işçi, anası isə həkimdir.
2011-ci ildə Səfura adlı xanımla ailə həyatı qurub. 2 övladı var: 1 qızı, 1 oğlu.
Qısametrajlı sənədli-bioqrafik televiziya filmləri rejissoru Sənan Sultanov fəaliyyətlərinə görə 2012-ci ildə "Qızıl Dərviş" mükafatına layiq görülüb.
Uzaq və yaxın Lütfi Zadə (film, 1998)
Rənglərdə yaşayan kino (veriliş, 2009)
Biz qayıdacağıq (film, 2007) — rejissor asistenti
Cavid ömrü (film, 2007) — rejisor asistenti
Kinolentdə imzası...
Şeyx Sənan (teleserial, 2023)
"Şeyx Sənan" — Hüseyn Cavidin "Şeyx Sənan" pyesinin motivləri əsasında Xəyyam Abdullazadə və Elçin Elxanlı quruluşçu rejissorluğu ilə çəkilmiş eyniadlı Azərbaycan teleserialı.
Filmin sujeti Sənan adlı gənc bir arxeoloqla, Xumar (Tamara) adlı tibb bacısı arasında baş verən sevgi hekayəsi üzərində qurulub. Sənan Qax rayonunun ucqar dağ kəndlərinin birində arxeoloji ekspedisiyada iştirak edir. Ehtiyatsızlıq ucbatından Sənan iti axan dağ çayına yıxılır və onu ölümdən Anton adlı kənd sakini xilas edir. Müxtəlif xəsarətlər almış Sənanı kəndin tibb məntəqəsinə gətirirlər və burada gənc və gözəl tibb bacısı Tamara onun yaralarını sarıyır. Beləliklə Sənanla Tamaranın ilk tanışlığı burada başlayır və sonra sevgiyə çevrilir. Lakin onların sevgisini qısqananlar və istəməyənlər peyda olur. Sən demə, Sənanı xilas edən Anton da Tamaranı sevirmiş və Sənanı xilas etməsinə peşmandır. Üstəlik kəndin yaxınlığındakı qədim yaşayış məskənində qazıntı işləri aparan arxeoloji ekspedisiyanın gənc üzvlərindən olan Zəhra da Sənana olan sevgisini gizlətmir. Zəhranı isə arxeoloqlardan biri Hadi sevir.
Qəhrəmanov Sənan Nəsimi
Sənan Nəsimi oğlu Qəhrəmanov (19 iyul 2004, Quba rayonu, Xucbala kəndi — 22 sentyabr 2023, Xankəndi şəhəri) — Azərbaycan Silahlı Qüvvələrinin müddətli həqiqi hərbi qulluqçusu. Lokal xarakterli anti-terror tədbirləri zamanı Xankəndi istiqamətində döyüşlərdə iştirak etmiş və şəhid olmuşdur.
Sənan Qəhrəmanov 19 iyul 2004-cü ildə Quba rayonunun Xucbala kəndində anadan olmuşdur. 2011–2022-ci illərdə Quba rayonu, Xucbala kəndi, Zöhrab Əkbərov adına kənd orta məktəbində təhsil alıb.
Sənan Qəhrəmanov 19 iyul 2022-ci ildə Səfərbərlik və Hərbi Xidmətə Çağırış üzrə Dövlət Xidmətinin Quba rayon Hərbi Komissarlığı tərəfindən hərbi xidmətə çağırılmışdı. Azərbaycan Silahlı Qüvvələrinin sıralarında müddətli həqiqi hərbi xidmət edirdi.
Azərbaycan ordusunun əsgəri olan Sənan Qəhrəmanov 2023-cü il sentyabrın 19–20-də keçirilən antiterror əməliyyatında iştirak etmişdir. Sənan Qəhrəmanov 22 sentyabr 2023-cü ildə Xankəndi istiqamətində döyüş tapşırığını yerinə yetirilməsi zamanı qəhrəmancasına şəhid olmuşdur. Quba rayonunda dəfn edilmişdir.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin 15.12.2020-ci il tarixli Sərəncamına əsasən Sənan Qəhrəmanov ölümündən sonra "Vətən uğrunda" medalı və "3-cü dərəcəli "Vətənə xidmətə görə" ordeni" ilə təltif edildi.