Şadılı (Azərbaycan)

Şadılı — Azərbaycan Respublikasının Goranboy rayonunun Şadılı kənd inzibati ərazi dairəsində kənd. Azərbaycan Respublikası Milli Məclisinin 5 oktyabr 1999-cu il tarixli, 708-IQ saylı Qərarı ilə Goranboy rayonunun Şadılı kəndi Qaradağlı kənd inzibati-ərazi vahidi tərkibindən ayrılaraq, bu kənd mərkəz olmaqla Şadılı kənd inzibati-ərazi vahidi yaradılmışdır.^[1]

Şadılı
40°38′38″ şm. e. 46°34′48″ ş. u.
Ölkə	Azərbaycan
Tarixi və coğrafiyası
Mərkəzin hündürlüyü	288 m
Saat qurşağı	UTC+04:00
Xəritəni göstər/gizlə Şadılı

Yaşayış məntəqəsi keçmişdə maldarlıqla məşğul olmuş şadılı tayfasının məskunlaşması nəticəsində yaranmışdır. Bu tayfanın mənşəcə Şato adlı qədim türk tayfası ilə bağlılığı ehtimal olunur.^[2]

Kənd yerləşdiyi ərazisini bir neçə dəfə dəyişib. İndiki yerində çox keçmişdən yerləşib. Arxeoloqların qoyduğu tarixə görə kəndin 5000 il tarixi var.

Şadılı kəndində məşhur ipək yolunun üstündə olan karvansara olub. Məşhur körpü gözləri var. Kürəkçayın üstündə olan körpü gözləri hələ də durur.

Qazıntılar zamanı Şadılı kurqanlarından tunc dövrünə aid çoxlu əşyalar tapılıb. Arxeloqların apardığı qazıntılar zamanı ayrı-ayrı kurqanlardan qəbilə başçısına aid iki möhür çıxıb. Bu möhür üç ədəd olub. Biri Türkiyədə, ikisi isə Şadılı ərazisində tapılıb. Kurqanlardan çıxan əşyalar AMEA İnstitutunda saxlanılır.

O vaxtlar kənddə 7 ədəd su dəyirmanı olub. Hazırda işləyən su dəyirmanını Şadılı İsgəndər adı ilə məşhur olan şəxs tikdirib. Təxminən 100-150 il arası tarixi var. Sovet hakimiyyəti qurulduqdan sonra bu dəyirman Şadılı İsgəndərin adı ilə hökumətə verilib. Hazırda işlək vəziyyətdədir.

Kənd Kiçik Qafqaz dağlarının ətəyində yerləşir. Kəndin ərazisi 1110 hektardır.

Kəndin ərazisində müxtəlif növ heyvanlara rast gəmək olar. Məsələn: canavar, tülkü, çöl pişiyi, gəlincik, oxatan kirpi, yatağan ilan, kəklik, turac, qırqovul, ilanbalıq, balıqudan, qızılbalıq, qızılquş, leylək, dovşan, şanapipik vardır. Həmçinin kəndin bitki örtüyüdə zəngindir. Bunlara misal olaraq çinar, qarğı, qamış, ətotu, itburnu, cil, əvəlik, iydə, qonaq ağacını misal göstərmək olar.

Goranboy ekologiya nümayəndəsi kənddəki çinarların ikisinə 2017-ci ildə 188 il yaş təyin edib.

2009-cu ilin siyahıyaalınmasına əsasən kənddə 689 nəfər əhali yaşayır.

• Kamandarov Mövsüm Qasım oğlu,
• Hüseynov Məzahir Teyyub oğlu,
• Cabbarov Rauf Fərrux oğlu

Kənd əhalisi əsasən əkinçilik və maldarlıqla məşğul olur.

Məşhur Şadılı xalçaları Azərbaycanda Gəncə xalçaçılıq məktəbinin Gəncə qrupuna daxil olan xovlu xalçalardır.

Şadılı kənd tam orta məktəbi şəhid Cabbarov Rauf Fərrux oğlunun adını daşıyır.

Goranboy rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.