Yaylagül Ramazanova

Yaylagül Ramazanova (18 yanvar 1990) — Azərbaycanı təmsil edən oxatan.

Yaylagül Ramazanova
Şəxsi məlumatlar
Tam adı	Yaylagül Ramazanova
Vətəndaşlığı	Azərbaycan
Doğum tarixi	18 yanvar 1990 (34 yaş)
Boyu	180 sm.
İdman növü	Kamandan oxatma
Məşqçisi	Natiq Fazilov

Yaylagül Ramazanova 18 yanvar 1990-cı il tarixində anadan olub. Kitab rəngarliğı ixtisası üzrə Azərbaycan Dövlər incəsənət akademiyasını bitirib.

Yaylagül Ramazanova 2015-ci ilin iyununda Birinci Avropa Oyunlarında mübarizə aparıb. 2018-ci ilin iyununda Azərbaycan Çempionatının qalibi olub.

Azərbaycanı 2019-cu ildə Dünya Çempionatında, 2016, 2018, 2021 və 2022-ci illərdə isə Avropa Çempionatlarında təmsil edib.

2023-cü ilin iyununda Polşada baş tutan III Avropa Oyunlarının açılış mərasimində Yaylagül Ramazanova Azərbaycan bayrağını aparıb.

Yaylagül Ramazanova 2024-cü ilin iyununda Antalya şəhərində Dünya Olimpiya Təsnifat Turnirinin nəticələrinə əsasən olimpiya lisenziyasına sahib oldu.^[1][2]

Ramazanova bu idman növü üzrə olimpiada da mübarizə aparan birinci azərbaycanlı idmançı oldu. O yarışa 25 iyulda, yəni Olimpiadanın açılışından bir gün qabaq basladı. Yariş iştirakçıları arasında dünya reytinqində 61-ci sırada olan Ramazanova təsnifat mərhələsində 647 xalla 39-cu yeri tutdu. Bu onun mövsümdə ən yaxşı nəticəsi idi. 30 iyulda 1/32 finalda hamiləliyinin 7-ci ayında olmasına baxmayaraq təsnifat mərhələsində 26-cı yeri tutan çinli An Tsiyuanı əlavə tay-brekdə 6:5 hesabı ilə məğlub edərək 1/16 finala vəsiqə qazandı. Burada o, Almaniyadan olan Mişel Kroppenə 6:2 hesabı ilə məğlub olur. Hamilə olduğu üçün tamaşaçılar ona xüsusi dəstək göstərmişlər.