ÇOXMƏNALI (sözlərin bir neçə məna bildirməsi) Çoxmənalı sözlər bu və ya başqa bir əşyanın, hadisənin, prosesin, keyfiyyətin və s. adını ifadə edən müəyyən səs tərkiblərinin başqa bir əşyada, hadisədə, prosesdə, keyfiyyətdə olan oxşar əlamət və s. vəzifənin adını ifadə etməyə keçməsi ilə əmələ gəlir (N.Məmmədov, A.Axundov); POLİSEMANTİK Beləliklə, bir sözün ilk mənasından əmələ gələn başqa mənalar onun məna çalarlığı adlanır və belə sözə çoxmənalı (polisemantik) söz deyilir (S.Cəfərov).
Çoxmənalı sözlər
Çoxmənalı sözlər — Əsas məna ilə bağlı olub bir neçə əlavə,törəmə mənada işlənən sözlərə çoxmənalı sözlər deyilir. Məsələn: üz – adamın üzü, suyun üzü, yorğanın üzü; göz – adamın gözü, bulağın gözü, şkafın gözü və s. Çoxmənalılıq yaradan sözlər həmişə eyni nitq hissəsinə aid olur. Məsələn: Həqiqi məna – polad balta (isim), gözəl mənzərə (sifət).
Məcazi məna – polad bilək (isim), gözəl fikir (sifət)
Bu zaman həmin sözlər və birləşmələr bir-biri ilə oxşar əlamətlərə malik əşyaları ifadə edir. Beləliklə, sözlərin çoxmənalılığı yaranır. Məsələn: alovun dili, çəkmənin dili, insanın dili, heyvanın dili. Bu söz birləşmələrindən insanın dili, heyvanın dili nümunələrində leksik vahidi həqiqi mənada, alovun dili, çəkmənin dili nümunələrində isə məcazi mənada işlənmişdir.
Bütün sözlər çoxmənalı ola bilməz.
Çoxmənalı sözlər, əsasən, bədii üslubda işlədilir.