араб, сущ.; -ди, -да; -яр, -йри, -йра 1) чил элкъуьрна кьунвай газдиз ухшар къат. Къацу багъдин михьи гьава Чандиз жеда дарман, дуст. М. С. Гатфарин гуьзел гьавадиз. Гуьзел гьава хуш ракъинин чими нурдив ахцӀана. Ш-Э. М. Дагъда ТӀурфан. Перишан я чилел гьава... Д. А. Чубан. Ватандихъ анжах са хайи веледдивай кьатӀуниз жедай кьетӀен гьава, гьавадихъни кьетӀен атир жеда. А. А. Къубудиз яд къвезва. Самолѐт гьавадай фидай улакь я. Р. 2) жив, марф, чимивал, мекьивал - вири санлай. Гьава сад жеч аран, дагъдин... Е. Э. Дуьньядикай бейхабардаз. Гьава къанваз, марфадин икьи стӀалри чин гатазваз, ви хура ифин авай. М. С. Буьркьуьди. Дегишвал хас я ина гьавайриз, Итимриз дегиш хьун чидай туш. М. Б. Дустариз жаваб. 3) куьч. инсан авай гьал. Гьава сад жеч... Хаталудин, уьзуьагъдин. Е. Э. Дуьньядикай бейхабардаз. 4) куьч. муьгьуьббат, кӀанивал. Заз акуна: ашкъи, гьава галукьна, Квез акунач, гьикӀ хьанатӀа гачал, гьей. Е. Э. Гачал, гьей! Зи гьавадин гар я гуьзел... Е. Э. Гуьзел, за ви тариф ийин. 5) ( чӀехи гъарфуналди - Гь ) а ) дишегьлидин хас тӀвар: Гьава. б ) сифтегьан женнетэгьли дишегьлидин тӀвар. На лугьуди, зун Адам я, Гьавадихъ женнетда авай... Е. Э. Хьана. Адан буба язва Адам. Адан диде язва Гьава. А. Къ. Аял.
* гьава ахъа хьун гл., цав михьи хьун. Цававай руг ацукьна, Ахъа хьана гьавани, Аждагьан ярх хьайила, Секин хьана дявени. 3. Р., Б. С. Шарвили.
* гьава гун гл., ни геждалди кӀвале ацукьайла, къецел экъечӀун, гьавадал хьун.
* гьава хун гл., ни-куь нин кефи чӀурун. Алагуьзли, ша хамир на зи гьава. Е. Э. Гуьзел яр.
* гьавада хьун гл., вуж муьгьуьббатдин гьиссери кьунваз хьун. Зун кӀевелай гьавадава, Я кьефесда хвей вили лиф. Ф. г