\[ттаб\] фарс, сущ.; -бди, -бда; -парар, -парри, - парра масад дуьз фикирдилай алудун патал, гьакъикъат чуьнуьхун патал лугьузвай гаф(ар). Вибур вири тапарар я, вун гьарамзада я; мад чун ягъадач, - лагьана, вичин гъилевай чумахъ юзурна. Ф. Гьуьлуьн шив. Эминан чӀалар гьич жеч тапарар. Е. Э. Ярдин тариф. Вуна Шагъ дагъ амукьдач лугьузва. Алчахвилин таб я ! Къ. М. Шаирдин къунши. Какадарна керчекни таб, Ийизва звер, Савдадавай беден хуьз. Х. Х. Вилер алаз макъамдал. Атанва зун масанай, Авач ваз зи хабарар. Ашкъидикай рахамир, Я ам михьиз тапарар. М. М. Зун цаварай атанва. Фикирни рикӀ михьи, пак тир, Табни гьарам гьич кӀан тушир Рекьидай туш лезгияр... КМ. Рекьидай туш лезгияр. Антоним: керчек.;
* таб акъатун гл., няй гьакъикъатдив кьан тийидай гаф, фикир акъатун. - Вуна кӀвал тарашна лугьуз ганвай арза, - лагьана Селима, - таб акъатна. З. Э. Муькъвел гелер. - Лап кукӀва ваъ, са кӀус агъа патал, - вичяй таб акъатуни регъуь авуна Насрулагьаз. А. Исм. Алукьдай ахвар.
* таб дуьздал акъатун гл., ним гьакъикъат чуьнуьхун патал лагьай гафар, фикир масабуруз чир хьун, малум хьун. Амма вичин таб дуьздал акъатдайди кьатӀана, Камала тадиз а суалрин вилик пад кьадайрехъ жугъурна. Б. Гь. Вили вилер.
* таб рахун гл., вуж, вичин фикир кьилиз акъатун патал гьакъикъат чӀурукӀа лугьун. - Дугъриданни, таб рахун Лезгистанда айиб я! Ф. Къванцин гада. Яшар хьанвай динегьли ксари, са квекай ятӀани гаф кватайла, чпин ихтилатрин сидкьивал тестикьарун патал ихьтин кьин кьада: «Таб рахазватӀа, эхиратда зун уьзуькъара хьурай, дуьньядилай имансуз фирай ». Я. Ш. Гьахъ квахьдач. Дуьнья, лагь заз, ви табдин рехъ гьи мезредлай гьинал кьван я? Гьахъ лугьунин дуван вуч я. таб рахунин гьахъ гьикьван я ? М. М. Им вуч регъв я? Синоним: тапарар авун.
* таб хьун гл., вуч са вуч ятӀани (авур кар, лагьай гаф) гьакъикъатдив кьадайвал тахьун. Буругъ тайин авур вахтундилай кьве югъ вилик вахкана. Ада гилани нафт гузва лагьайтӀа, таб жедач. 3. Э. Социалист Зегьметдин Герой Темирханов. Гуьзелвал вич гьакъикъатда таб тахьурай, Лезгивилин лишан ери зарбди хьурай! Ш. Ш. Зи къаргъиш - зи алхиш.
* тапарар авун гл., ни низ-никай рахазвайда гьакъикъатдин гьалар чӀурукӀа, вичин фикир кьилиз акъатдайвал лугьун. \[Элдер\] - Дуьз лагь, я рушар, таб яни, керчек яни? \[Пейкер\] - Чан стха, мад гила чна вакай тапарар ийич хьи. Гь. Гь. Адетдин къармахра. Синоним: таб рахун.
* тапаррин кӀватӀ сущ. гзаф тапарар ийидайди. Синонимар: тапрукь, тапархъан, яланчи.