гл., - на, -из, -зава;0, -ин, -рай, -мир; агакь тавун, ахгакьун || агакь хъувун, ахгакьмир || агакь хъийимир 1) нин-куьн ятӀани мукьув хьун. Ирид йисахъ агакьдалди зун гьадан патав гумукъна. С. С. Жувакай ихтилат. Къаст тир чи ваз зияратиз, Агакьнач чун ви къаншардиз X. Къ. Я Эренлер. Стха гила агакьнавай цӀусад сахъ. А. Ф. КьатӀ-кьатӀ авур зунжурар. 2) вуж, вуч нив са вуж ва я вуч ятӀани са чкадай маса чкадиз финалди са нин ятӀани ихтиярда хьун, гьатун. Агакьайла вин цӀийи свас, Хъуьрез-къугъваз мубарак хьуй. Е. Э. КӀани ярдиз. - Чна абур гьикӀ кхьида, я чан стха, - лугьузва муаллимри ва чпив гвай фейи йисан квитанцияр къалурзава, - газетар чав агакь тийизвайла. ЛГ, 1996, 2. ӀӀ. Гад гьарай я. Гатун са йикъа хъуьтӀуьн са вацран ем гьасилзава. Бес къе кудайди агакь тавурла, сезондин кӀвалахарни кьулухъ ядачни ? Ш. Шабатов. кӀвалахар кьулухъ язава || ЛГ, 2000. З. VӀӀӀ. 3) вуч нив ван хьун. Яна лугьуз азиз Киров Агакьна чаг чӀуру хабар. С. С. Зи рикӀ пара хьана чӀулав. 4) вуж вуч ийиз вахт бес хьана, са вуч ятӀани ийиз алакьун. Агъа дуьньядиз жедалди кӀвачин Къванчи агакьнач къван расиз вичин. Ф. Н. Кьве устӀар. Амма садра нефес чӀугваз алакьнач - Вич кьейидахъ агъаз инсан агакьнач. М. Б. Инсан. 5) вуж квев са гьикьван ятӀани вахтунда тайин кӀвалах ийиз алакьун. Гьа са вахтунда ам хуьруьн школада муаллимни, мискӀинда имамни, кӀвале чӀехи хизандин бубани я эхир! Ам икьван везифайрив агакь гьикӀзава? - тажубвалда гзафбуру. Гьалал хьурай, агакьзавайдални са шак алач. М. Ж. "Вун накь вучиз атаначир?". И къуллугъдал адалай Са кӀвалахни алакьдач, Чун паталди виликан Зеведишдив агакьдач. Ж. Чун паталди виликан... 6) эвленмиш жедай йисар хьун. Шичан бике дугъриданни агакьнавай, гъуьлуьз фидай вахтни хьанвай, амма адаз низ фидатӀа, гьеле чизвачир. Ф. Шичан бике. КӀвалевай руш агакьдалди вири кӀвалахар за ийизвачирни ? А. Р., Я. Я. Хендедадин мехъер. Амач, амач, агакьзава балаяр... А. Ал. Дурнаяр. 7) чурун, дигмиш хьун, битмиш хьун (емишар ). # машмашар ~нава; ~ ципицӀар ~зава;; жумарни ~да Агакьна гатун емиш, Вири халкьар шад жеда. Х Т. * цавувагакьун.