Lüğətlərdə axtarış.

Nəfisə Mələk Sultan (1363, Bursa – 1400, Konya) — 3-cü Osmanlı sultanı Murad Hüdavəndigarın qızı. == Həyatı == Nəfisə Sultan 1363-cü ildə Bursada dünyaya gəldi. Atası Osmanlı sultanı Murad Hüdavəndigar, anası isə onun kənizlərindən biridir. Uşaqlıq illəri Bursada keçən Nəfisə Sultan 1378-ci ilin baharında Qaramanoğlu Ələddin Əli bəylə evləndirildi. Eyni mərasimlə qardaşı Şahzadə Bəyazid də Gərmiyanoğlu Süleyman bəyin qızı Dövlətşah Xatunla nigahlandı. Siyasi məqsədlərlə baş tutan bu nigahdan 3 oğlu dünyaya gələn Nəfisə Sultan evliliyi boyunca əriylə atası Murad Hüdavəndigar və qardaşı İldırım Bəyazid arasında vasitəçi rolunu oynadı. Əri Ələddin Əli bəyin Osmanlılara qarşı Anadolu bəyliklərini ayaqlandırması nəticəsində Osmanlı ordusu dəfələrlə Konyanı mühasirəyə almış, ancaq hər dəfə Nəfisə Sultan araya girərək tərəflər arasında sülhü təmin etmişdir. Bu səfərlərdən ən önəmlisi isə 1385 tarixli Qaraman səfəridir. Nəfisə Sultanın xahişiylə Konya qalası mühasirədən azad edilmiş, Ələddin Əli bəy Murad Hüdavəndigarın əlini öpərək yenidən Osmanlı təbəəliyini qəbul etmişdir. Ancaq Murad Hüdavəndigarın vəfatından sonra Ələddin Əli bəy yenidən Osmanlı hakimiyyətinə qarşı ayaqlandı.

Nakiyə Elgün (1882, Rumelifeneri[d] – 23 mart 1954, İstanbul) — türk siyasətçi və pedaqoq. O, Osmanlı dövrünün sonu və Türkiyə Cümhuriyyətinin ilk illərində qızların təhsilə cəlb edilməsinni təbliğ edən ilk maarifçilərdən biri olub. O Osmanlı qadın hərəkatının üzvlərindən idi və 1930-cu ildə İstanbul Bələdiyyə Məclisinin ilk qadın üzvü olmaqla Cümhuriyyət dövrünün siyasi hüquqlar əldə edən qadınlarından biri olmuşur. Elgün 1934-cü ildə Türkiyə Böyük Millət Məclisində Ərzurumu üç dəfə təmsil etmiş və Türkiyə Cümhuriyyətinin ilk 18 qadın deputatından biri olmuşdur. == Həyatı == === Erkən illəri və karyerası === Nakiyə Elgün 1882-ci ildə İstanbulda anadan olub. 1901-ci ildə Qız Müəllim Məktəbini bitirmiş, 1911-ci ilə qədər həmin məktəbdə ədəbiyyat müəllimi kimi işləmişdir. Elgün 1911-ci ildə İkinci Məşrutiyyətdən sonra yeni açılmış İstanbul İnas Məktəbinə təyin olunub. İnas məktəbində işlədiyi müddətdə Osmanlı dövlətinin Maarif Nazirliyi ondan təhsil pillələrinin yenilənməsi ilə bağlı apardıqları işdə sistemə rəhbərlik edəcək layihə hazırlamağı xahiş etmişdir. Elgün fiziki mühitin təhsilə təsirini əsas göstərərək şagirdlərin elektriklə təchiz edilmiş və masaların üstü ağ rəngli örtüklə örtülmüş siniflərdə təhsil almasını təklif etmişdir. Lakin bu, Nazirlik tərəfindən "lyuks" kimi qiymətləndirilmiş və onun layihəsi rədd edilmişdir.

Kisə (qab) — çox sayda dağıla bilən əşyaların , ərzağın və tikini materiallarının saxlanılması və daşınmsı üçün əski çağlardan məişətidə istifadə edilən xüsusi qab. Kisə (ölçü vahidi) — riyaziyyatda əski çağlarda əsasən ərzağın çəkisini ölçmək üçün istifadə edilən çəki ölçü vahidi. Kisə (hamam əşyası) — yuyunarkən bədəndən çirki (kiri) çıxarmaq üçün cod parçadan tikilən və ələ keçirilərək istifadə edilən torbacıq.

"Övraqi-nəfisə" ("Nəfis vərəqlər"; az-əbcəd. اوراق نفیسه‎) — aylıq milli demokratik ruhlu ədəbi-bədii, ictimai-siyasi jurnalı, Azərbaycan mətbuatı tarixində ədəbiyyat və incəsənət məsələlərinə həsr olunmuş ilk dövrü mətbuat orqanı. 1919-cu ilin mart-avqust aylarında Bakıda cəmisi 6 nömrəsi nəşr edilmişdir. == Haqqında == Naşiri Zülfüqar Hacıbəyov, redaktoru Əliabbas Müznib idi. Rəngli şəkillərini rəssam Əzim Əzimzadə çəkmişdir. Jurnalın səhifələrində Firidun bəy Köçərli, Abdulla Şaiq, Cəmo bəy Cəbrayılbəyli, Zülfüqar Hacıbəyov, Əliabbas Müznib, Əmin Abid, Məhəmməd Hadi və başqa müəlliflər iştirak edirdi. Burada ədəbiyyat, musiqi, teatr, həmçinin memarlıq abidələri haqqında məqalələr və fotoşəkillər, aktyorların həyatı və səhnə fəaliyyəti barədə yazılar dərc olunurdu. Jurnalda ədəbiyyat tarixi məqalələri aparıcı yer tuturdu. Burada Molla Pənah Vaqif, Əbdülqasım Nəbati, Mirzə Fətəili Axundov, Əli bəy Hüseynzadə, Haşım bəy Vəzirov, Məhəmməd Hadi, Rəşid bəy Əfəndiyev, Əlabbas Müznib, Xədicə Ədvi, Hacı Səlim Səyyah, Bədri Seyidzadə, Əliağa Vahid və başqalarının tərcümeyi-halı və şeirlərindən nümunələr verilirdi. Topluda Şərq musiqisi və musiqi alətlərinə dair məşhur ərəb yazıçısı Cürci Zeydanın əsəri, memarlıq abidələrindən "Tac Mahal" haqqında məqalə və Bakı abidələrinin rəsmləri dərc edilmişdi.

Kisə — çox sayda dağıla bilən, səpələnən əşyaların, ərzağın və tikini materiallarının saxlanılması və daşınmsı üçün əski çağlardan bu günümüzə qədər məişətimizdə istifadə edilən xüsusi qab. == Ümumi məlumat == Xalqımızın məişətində əski çağlardan bir çox məmulatları kisəyə qablaşdırmışlar. Kisə sözü bu gün də məişətimizdə yaşamaqdadır. Əsasən ərzaqlar - un, düyü, şəkər, arpa, buğda, eləcədə bir çox tikinti materialları - qum, gips və sairə kisələrə qablaşdırılır.

Nisə Bəyim (azərb. Rəhimova Nisəbəyim İsmayıl qızı‎; 6 mart 1955, Sabirabad, Azərbaycan SSR) — Azərbaycan şairi, Azərbaycan Yazıçılar Birliyinin üzvü (1998). == Həyatı == Rəhimova Nisəbəyim İsmayıl qızı 6 mart 1955-ci il tarixində Sabirabad şəhərində ziyalı ailəsində anadan olmuşdur. Atası Rəhimov İsmayıl Cabbar oğlu Şamaxı şəhərindən, anası Məlikova Məryəm Əlabbas qızı Zərdab rayonunun Əlvənd kəndindəndir. 1961-ci ildə Sabirabad şəhərində M. Müşfiq adına 4 saylı orta məktəbə daxil olmuş, 1971-ci ildə həmin məktəbi bitirmişdir. 1976-cı ildə Azərbaycan Dövlət Pedaqoji İnstitutunu fərqlənmə ilə bitirərək, Sabirabad şəhər M. Müşfiq adına 4 saylı orta məktəbində əmək fəaliyyətinə başlamış və hal-hazırda həmin məktəbdə Azərbaycan dili və ədəbiyyatı müəllimi kimi çalışır. 1998-ci ildən Azərbaycan Yazıçılar Birliyinin üzvüdür. 2020-ci ilin noyabr ayının 26-da vəfat etmişdir. == Yaradıcılığı == Yaradıcılığa tələbəlik illərindən başlasa da, Azərbaycan mətbuatında 1988-ci ildən çap olunur. İlk dəfə "Vətən mənəm" adlı şeiri 1988-ci ildə "Azərbaycan müəllimi" qəzetində çap olunur.

Mehdiyeva Nisə Əşrəf qızı — Mikrobiologiya sahəsində ilk qadın elmlər doktoru (1969), professor (1986). == Haqqında == 1928-ci il aprel ayının 12-də Bakıda anadan olmuşdur. O, 1950-ci ildə Lomonosov adına Moskva Dövlət Universitetini müvəffəqiyyətlə bitirmişdir. Nisə Mehdiyeva 1950-1952-ci illərdə Azərbaycan Dövlət Universitetində (indiki BDU) müəllim işləmiş, 1952-1955-ci illərdə SSRİ Elmlər Akademiyasının Botanika İnstitutunun aspirantı olmuşdur. Nisə Mehdiyeva 1955-ci ildə namizədlik, 1969-cu ildə isə doktorluq dissertasiyalarını müdafiə etmişdir. 1986-cı ildə mikrobiologiya üzrə respublikada ilk professor elmi adını almışdır. Nisə Mehdiyeva 1955-1957-ci illərdə Respublika Elmlər Akademiyasının Rəyasət Heyətində biologiya üzrə elmi katib işləmişdir. 1958-ci ildə Torpaqşünaslıq və Aqrokimya İnstitutunda Torpaq biologiyası laboratoriyasını təşkil edərək akademiyada mikrobiologiya elminin əsasını qoymuşdur. 1968-ci ildə akademiyada ilk dəfə neft mikrobiologiyası sahəsində laboratoriyaya rəhbərlik etmişdir. Nisə Mehdiyeva 1972-ci ildə laboratoriya Mikrobiologiya sektoru, 1994-cü ildə isə Mikrobiologiya İnstitutu statusu almışdır.

Nisə xanım Məmməd qızı Mirişli — == Həyatı == Nisə xanım Məmməd qızı Mirişli 1932-ci ildə Bakı şəhərində ziyalı ailəsində anadan olmuşdu. Atası Məmməd kişi dəmir yolu mühəndisi, anası tibb işçisi idi. Nisə xanım orta təhsilini Bakı şəhəri 132 nömrəli məktəbdə almışdı. Hələ o kiçik yaşlarında öz çalışqanlığı və ictimai həvəsi ilə fərqlənirdi. Nisə xanım məktəbin son illərində artıq peşəsində müəyyənləşdirmişdi. O, şərəfli peşə olan həkimliyi seçmişdi. 1950-ci ildə N.Nərimanov adına Tibb İnstitutuna daxil olur və 1956-ci ildə müalicə-profilaktika fakultəsini bitirir. O, təyinatla Qazı-Məhəmməd rayonuna Traxoma əleyhinə disspanserin baş həkimi vəzifəsinə göndərilir. Qısa müddət ərzində oftalmoloq peşəsinin sirlərinə yiyələnir və rayonun əhalisi arasında nüfuz qazanır. Elə o illərdə onu infeksion xəstəliklərlə mübarizə daha çox düşündürürdü.

Nisə Qasımova (13 fevral 1954, Bakı) — Müğənni, Azərbaycan Respublikasının xalq artisti (2008). == Həyatı == Nisə Fətulla qızı Qasımova 1954-cü ilin 13 fevralında Bakı şəhərində anadan olmuşdur. Hələ uşaqlıqdan sarı saçları, yaşıl gözləri və qeyri-adi gözəlliyi ilə yaxınlarından seçilən müğənni musiqiyə maraq göstərir və daim diqqət mərkəzində olurdu. Geniş səs diapazonu, musiqiyə marağı balaca Nisənin taleyini çox erkən yaşlarından ömürlük səhnəyə bağlayır. Atası Fətulla kişinin tam fərqli sahədə yəni dövlət xidmətində çalışmasına baxmayaraq, milli musiqi və muğamların bilicisi və savadlı xanəndə olması Nisə xanımın elə ilk olaraq ailədən musiqi ilə tərbiyələnməsinə şərait yaradır. == Yaradıcılığı == Beləcə 8 yaşında Əfsər Cavanşirovun rəhbərlik etdiyi "Bənövşə" uşaq xorunun heyətinə qəbul olan Nisə Qasımova çox keçmir ki, peşəkar musiqi heyətinin diqqətini özünə cəlb edib 9 yaşında olarkən xorun gənc solisti olur. "Günəş adlı yaxın dostum var mənim" məxsusi olaraq onun üçün yazılan bu mahnı ilə müxtəlif konsert proqramlarında çıxış edir. Çox keçmir ki, gənc Nisə 1971-ci ilin əvvəlində Müslüm Maqomayev adına Dövlət Filarmoniyası nəzdindəki " Lalə qızlar ansamblı"na solist kimi dəvət olunur. Konsertlərin birində Nisə xanımın çıxışına valeh olan tanınmış bəstəkar və impressario Ələkbər Tağıyev elə həmin ərəfələrdə gənc sənətçiyə iş birliyi təklif edir. Bundan əvvəl SSRİ xalq artisti Zeynəb Xanlarovanı Azərbaycan səhnəsinə təqdim etmiş Ələkbər Tağıyev 1972-ci ildən Nisə Qasımova ilə yaradıcılıq birliyinə başlayır.

Nisə Heydər qızı Rzayeva (10 yanvar 1937, Azərbaycan SSR – 8 mart 2017, Mingəçevir) — Azərbaycanın teatr və kino aktrisası, Mingəçevir Dövlət Dram Teatrının aktrisası Azərbaycanın SSR Əməkdar artisti, Azərbaycan Teatr Xadimləri İttifaqının üzvü(1965). == Həyatı == N. H. Rzayeva 10 yanvar 1937-ci ildə anadan olmub, 1969-cu ildən Mingəçevir Dövlət Dram Teatrında aktrisa vəzifəsində çalıb və Nisə Rzayeva Mingəçevir Teatrının ilk aktyorlarından biri kimi bu vaxtadək teatrın səhnəsində 100-ə qədər rolun ifaçısı olmuşdur. Onun teatrımızın səhnəsində yaratdığı İ. Əfəndiyevin "Mahnı dağlarda qaldı" – Fəxrəndə xanım, H. Cavid "Ana" – Ana, M. Hüsüyn "Cavanşir" – Zibeydə xanım, G. Xuqayev "Andro və Sandro" – Marqo, Anar "Şəhərin yay günləri" – Dilarə, İ. Əfəndiyevin "Tənha iydə ağacı" – Xan nənə, P. Kilqas "Hakim Martinin səhəri" – İnqa, S. Vurğun "Fərhad və Şirin" – Şirin, İ. Əfəndiyev "Unuda bilmirəm" – Nərmin, N. Həsənzadə "Nabat xalanın çörəyi" – Nabat xala, S. S. Axundov "Eşq və İntiqam" – Yasəmən, S. Rəhman "Əliqulu evlənir" – Nazlı, Ə. Əmirli "Köhnə ev" – Zəhra, S. S. Axundov "Laçın Yuvası" – Pəricahan və.s rolları bu gün də teatrsevərlərin yaddaşındadır, mütəxəssislər tərəfindən müsbət qiymətləndirilmişdir. Nisə Rzayeva şəhərimizin ictimai mədəni həyatında fəal iştirak edib. 1965-ildən Azərbaycan Teatr Xadimlər İttifaqının üzvüdür, Əmək vetranıdır, Azərbaycan Respublikası və Naxçıvan Muxtar Respublikası Ali Sovetinin, Naxçıvan Muxtar Respublikası Mədəniyyət Nazirliyinin, müxtəlif dövlət və ictimai təşkilatların, ayrı-ayrı rayonların Fəxri Fərmanlarına layiq görülmüş, Sosialist Əməyi yarışının iştirakçısıdır. 1982-ci ilin dekabr ayının 2-də Azərbaycan SSR Əməkdar artisti Fəxri adına 02.12.1982, 8 mart 2017-ci ildə 80 yaşında dünyasını dəyişmişdir. Mingəçevir şəhərində dəfn olunub.

4-cü surə ən-Nisa (Qadınlar) surəsi (Mədinədə nazil olmuşdur, 176 ayədir) Surədə iman və ədalətə dəvət, keçmiş ümmətlərdən ibrət götürülməsi, Allah düşmənləri ilə dostluq rabitələrinin qırılması, yetimlərin himayəsi, izdivac və irs hökmləri, ilahi rəhbərə itaətin zəruriliyi, Allah yolunda hicrət və cihad barədə danışılır. Surənin ilk 35 ayəsində ailə məsələləri bəyan olunduğuna görə surə "Nisa", yəni "qadınlar" adlandırılmışdır. Surənin 58-ci ayəsinin Məkkədə nazil olması haqqında da iddialar yer alır.

Nokia — Finlandiyanın transmilli şirkəti, mobil rabitə texnologiyaları sahəsində dünya liderlərindən biri. Öz məlumatlarına görə dünya mobil telefon bazarındakı payı 39% təşkil edir. Şirkətin mərkəzi qərargahı Finlandiyanın Espoo şəhərinin Keilaniemi rayonunda yerləşir. Nokianın dünyanın bir çox ölkələrində tədqiqat və inkişaf mərkəzləri, istehsalat obyektləri və satış məntəqələri yerləşir. 2009-cu ilin dekabrına olan məlumata görə Nokianın dünyanın 16 ölkəsində tədqiqat mərkəzləri yerləşir və həmin mərkəzlərdə 37 200 nəfər işləyir. Bu rəqəm şirkətin ümumi işçi sayının təxminən 30%-ni təşkil edir. Nokia Tədqiqat Mərkəzinin 7 ölkədə — Finlandiya, Çin, Hindistan, İsveçrə, Keniya, ABŞ və Böyük Britaniyada nümayəndəlikləri var. Şirkətin ümumilikdə 15 zavodu fəaliyyətdədir. Finlandiyada və Çində 3, Böyük Britaniya, Braziliya, Cənubi Koreya, Meksika, Hindistan, Macarıstan və Rumıniyada isə 1 zavodu yerləşir. 2004-cü ildə Nokia Finlandiyanın ÜDM-nin 3,5%-ni təşkil edirdi, 2003-cü ildə isə Nokianın ixracatı Finlandiyanın ümumi ixracatının 25%-i qədər idi.

Aeonium nobile (lat. Aeonium nobile) — dovşankələmikimilər fəsiləsinin aeonium cinsinə aid bitki növü.

Alangium nobile (lat. Alangium nobile) — bitkilər aləminin zoğalçiçəklilər dəstəsinin zoğalkimilər fəsiləsinin alangium cinsinə aid bitki növü.

Dendrobium nobile (lat. Dendrobium nobile) — bitkilər aləminin qulançarçiçəklilər dəstəsinin səhləbkimilər fəsiləsinin dendrobium cinsinə aid bitki növü. == Sinonimləri == === Homotipik sinonimləri === Callista nobilis (Lindl.) Kuntze === Heterotipik sinonimləri === Dendrobium chlorostylum Gagnep. Dendrobium coerulescens Wall. ex Lindl. Dendrobium formosanum (Rchb.f.) Masam. Dendrobium lindleyanum Griff. Dendrobium nobile var. alboluteum Huyen & Aver. Dendrobium nobile var.

Kurisu Makise (牧瀬 紅莉栖, Makise Kurisu) — 5pb. və Nitroplus tərəfindən yaradılmış "Science Adventure" franşizindən personaj. İlk dəfə 2009-cu ildə buraxılmış "Steins;Gate" vizual romanında təqdim olunmuşdur. Kurisu Makise Rintaro Okabe ilə birlikdə "Steins;Gate" seriyasının əsas personajlarından biridir. Okabe onu tez-tez Kristina deyə çağırır. Hekayədə o, neyrologiya sahəsində tanınmış gənc alimdir və Okabe ilə tanış olduqdan zamanda səyahət təcrübələrində ona kömək etməyə başlayır. Laboratoriyanın dörd nömrəli üzvünə çevrilir, D-poçtların göndərilməsində fəal iştirak edir və zamanda sıçrama cihazını ixtira edir. Hekayə davam etdikdə Okabe ilə Kurisu arasında romantik münasibətlər yaranır. Kurisu vizual romanla yanaşı manqa, ranobe və anime adaptasiyalarında, eləcə də, 5pb. və Nitroplus tərəfindən istehsal olunmuş sikvel oyun "Steins;Gate 0"-da da yer almışdır.

Norkis Batista (ing. Norkys Batista ) — məşhur Venesuela aktrisası və modeli . Atası Luis Batista, anası Miqdalis Villaroel Batista. == Həyatı == Norkis Batista 30 avqust 1977-ci ildə Venesuelanın paytaxtı Karakas şəhərində anadan olmuşdur . == Karyerası == === Serialları === 2001: Juana la virgen 2002: Mi gorda bella 2004: Estrambotica Anastasia / Dəlisov Anastasiya 2005: Amor a Palos 2008: La trepadora 2009: Esto es lo que hay 2010: Que el cielo me explique 2011: Flor Salvaje === Filmləri === 2006: Miranda 2007: 13 segundos 2008: El Sr.

Rheum nobile (lat. Rheum nobile) – qırxbuğumkimilər fəsiləsinin rəvənd cinsinə aid bitki növü.

Umberto Nobile (21 yanvar 1885[…], Lauro[d], Kampaniya – 30 iyul 1978[…], Roma) — İtaliya dirijabl konstruktoru və qütb tədiqaçısı; general. == Həyatı == Umberto Nobile 21 yanvar 1885-ci ildə İtaliyanın Kampaniya vilayətində yerləşən Lauro kommunasında anadan olmuşdur. O, 1926-cı ildə Roald Amundsenin ekspedisiyasında öz layihəsi ilə hazırlanmış "Norveç" diriijablının komandiri kimi iştirak etmişdir. Nobile 1928-ci ildə "İtaliya" dirijablında Şimal qütbünə göndəriliş italyan ekspedisiyasına başçılıq etmişdir. Dirijabl Şpitsberken yaxınlığında qəzaya uğramış, ekspedisiyanın sağ qalmış 8 üzvündən 8-si sovet "Krasin" buzqıran gəmisi, Nobilenin özünü isə İsveç təyyarəsi xilas etmişdir. 1932-ci ildən 1936-cı ilə qədər Nobile Moskva şəhərində dirijablqayırma sahəsində mələhətçi kimi işləmişdir. O, 1939-cu ildə ABŞ-yə köçmüş, İkinci Dünya müharibəsi qurtardıqdan sonra isə İtaliayaya qayıtmış və Neopol unitində dərs demişdir. Nobile 30 iyul 1978-ci ildə İtaliyanın paytaxtı Roma şəhərində vəfat etmişdir. == Populyar mədəniyyətdə == 1970-ci ildə Nobilenin Şimal qütbünə ekspedisiyası haqqında SSRİ ilə İtaliyanın birgə çəkdiyi "Qırmızı çadır" filmi ekranlaşdırılmışdır. == Mənbə == === İstinadlar === === Ədəbiyyat === Garth Cameron.

Kisə — riyaziyyatda əski çağlarda əsasən ərzağın çəkisini ölçmək üçün istifadə edilən çəki ölçü vahidi. == Ümumi məlumat == Şərqdə məişətdə əski çağlardan bir şeyin həm sayca, həm çəkicə miqdarını kisəylə də hesablanmışdır. "Bir kisə arpa", "bir kisə qənd" deyimlərini indi də ticarət yerlərində eşidilir. Bu ifadələr 50 kq çəkiyə bərabərdir. "Nisyə — girməz kisəyə", "Vaxtsız gələn qonaq öz kisəsindən yeyər" kimi atalar sözləri kisənin məişətdəki işləkliyini aydın göstərir.

Nokia 1011 — GSM telefonları seriyalarında istehsal olunan ilk telefon. Bu həmçinin Mobira Cityman 2000 kimi də satıldı. Buraxılış tarixi 10 noyabr 1992-ci ildə olan telefonun tip nömrəsi buraxılış tarixində gerçəkləşib. Qara rəngli telefonun ölçüləri 195x60x45mm-dir. Bir rəngli displeyi və genişlənən antenasıyla müxtəlif özəlliklərə malikdir. Telefonun yaddaş kitabçasında 99 nömrə saxlamaq mümkündür. Ancaq bu telefona Nokianın xarakteristik melodiyası hələ daxil edilməmişdi, bu melodiya yalnız 1994-cü ildən bəri telefonlara əlavə olundu.

Nokia 3310 — Nokia şirkətinin ikidiapazonlu (GSM 900/1800) telefonu. 2000-ci ilin dördüncü rübündə satış bazarına buraxılmışdır. Nokia 3310 — tarixin ən uğurlu mobil telefon modellərindəndir: ümumilikdə 126 milyon aparat satılmışdır. 2017-ci ildə telefonun yeni versiyası dövriyyəyə buraxılmışdır.

Nokia 500 bir giriş səviyyəsi Symbian Belle smartphone edir . Bu ilk ilin sonuna mövcud bütün modelləri ilə , 1 avqust 2011-ci il azad edilib . Bu Nokia Suite vasitəsilə 15 fevral 2012-ci ildən (bundan əvvəl " Symbian Belle " kimi tanınan) sonra Nokia Belle təkmilləşdirilmiş gəlir artıq -the- hava (bəzi ölkə variantlar) ilk firmware versiyası 010.029 ilə azad edilib ildən Nokia 500 bir çox problemləri var , lakin 11.33 yeniləmə sonra rəvan çalışır . Bunun əvəzinə bir OpenGL ES GPU , 500 3D hardware sürətləndirilməsi olmadan iş apps , baxmayaraq ki, bir sadə OpenVG GPU edir, belə ki , bəzi 2D və vektor apps , Angry Birds kimi düzgün çalışması . [ 2] "Nokia Belle " yeniləmə ( son proqram versiyası 111.021.0028) az gizlilik və yeni interfeysi ilə təkmilləşdirilmiş performans. Nokia 500 pre -dolu Angry Birds app ilə gəlir . Belle müxtəlif ölçülü canlı widgets ilə dörd ev ekranlar edir. Home ekranlar ev ekran widgets və bildirişlər və keçid variantları, o cümlədən qısa yolları ilə kişiselleştirilmiş bilər . Bu kilidi ekran divar kağızları və mühüm informasiya ilə xüsusi ola bilər . Apps naviqasiya, views , və web tarama üçün mövcuddur.

Nokia 5800 Xpress Music — Nokia tərəfindən əyləncə və musiqi mərkəzli çıxarılan ağıllı mobil cihaz. Nokia 5800 XpressMusic kütləvi bazar üçün innovasiyalı funksionallıq təqdim edən musiqili mobil cihazdır. Nokia 5800 XpressMusic musiqi funksionallığı baxımından Nokia-nın ən yüksək standartlarına tam cavab verir. Təbii ki, bu növ mobil cihazlardan istifadəçilər musiqili funksiyaların mükəmməlliyi, böyükhəcmli yaddaş, güclü dinamiklər və rahat sinxronlaşdırmadan əlavə adi telefonun ənənəvi funksiyalarının da eyni dərəcədə mükəmməl olmasını gözləyir, o cümlədən kontentə və mühüm kontaktlara birbaşa rahat daxilolma imkanını. Nokia 5800 XpressMusic kontentə asan daxilolmanı və istənilən yerdən informasiya mübadiləsinin rahatlığını təmin edir. Nokianın vitse-prezidenti cənab Jo Harlou şirkətin niyyətlərini belə şərh edir: "Nokia 5800 XpressMusic ilə biz həyatda mövcud olan ən universal birləşdirici qüvvə vasitəsi – musiqi ilə insanları birləşdirmək ümidindəyik. Dünyanın müxtəlif ölkələrində yaşayan insanların musiqi zövqləri fərqlidir. Biz bunu nəzərə alıb çalışdıq ki, Nokia 5800 XpressMusic insanlara istənilən musiqini istədikləri kimi dinləmək azadlığını versin". Multimediyalı panel, kontaktlar paneli - istifadəçilərin rahatlığı ən üstün amildir. Nokia 5800 XpressMusic sensorlu displeyin üstünlüklərindən istifadə edir və öz innovasiyalı təklifini – "multimediyalı paneli" təqdim edir. Bu rahat menyu musiqili və əyləncəli funksiyalara, o cümlədən musiqi parçaları, video və fotoların siyahısına birbaşa rahat girişi təmin edir.

Nokia 603 — Nokia şirkəti tərəfindən istehsal olunan mobil telefon. == Xarakteristikası == Aparat monoblok tipli klassik korpusda hazırlanıb. Cızıqların yaranmasına qarşı möhkəm olan tutumlu sensor ekranın ölçüsü 3,5 düym təşkil edir, kəskinlik 360×640 nöqtədir. Daxili yaddaş tutumu 2 QB-dır, tədarük dəstinə eyni tutumda MicroSD kartı daxil edilib. Smartfon 5 meqapiksel kameraya malikdir, RDS dəstəkli FM tüner, Wi-Fi və Bluetooth 3.0 simsiz əlaqə adapterləri, GPS peyk naviqasiya sistem qəbuledicisi, NFC mikroçipi, MicroUSB portu və qulaqlıqlar üçün 3,5 millimetr yuva ilə təchiz edilib. Smartfon Symbian Belle proqram platformasında işləyir. Platformaya təkmilləşdirilmiş səyyah və NFC əlaqənin təkmilləşdirilmiş vasitələri daxildir.

Nokia 6300 — 2007-ci ildə buraxılmış Nokia firmasının üç diapazonlu mobil telefonu. Biznes-klassın telefonu. Altı rəngdə korpus istehsal edilir: gümüşü, qara, ağ, qırmızı, qəhvəyi və qızıl. FK-la sinxronlaşdırma üçün firma Nokia PC Suite Proqram təminatını istehsal edib. Həmçinin Mass Storage (çıxarılan disk) rejimində qoşulma mümkündür. Qoşulma kabelin, Bluetoothun MiniUSB-unun köməyi ilə mümkündür. USB vasitəsilə telefon enerji toplamır. == Modifikasiyalar == Nokia 6302 — Nokia 6300-ün müasirləşdirilmiş modelidir, Wi-Fi (yalnız səs zənglər üçün) simsiz şəbəkələrinin dəstəklənməsi və Unlicensed Mobile Access (UMA) texnologiyaları dəstəklənməsi, bu da düz lokal və mobil şəbəkələrin arasında səsin və ya məlumatların (mobil rabitə əlaqəçisi tərəfindən dəstəklənməsi tələb olunur) ötürülməsi zamanı keçidə icazə verir. Nokia 6303 — Nokia 6300-ün müasirləşdirilmiş modelidir, 3,2 Mp-da kamerayla fərqlənir, ölçü üzrə böyük ekran, 3,5-millimetr qarniturlar üçün konnektor, işıqlanma dərəcəsinin və işıq diodu fənərinin mövcudluğu, enerjiyə qənaətin genişləndiriş funksiyası.

Nokia 700 — Nokia şirkəti tərəfindən istehsal olunan mobil telefon. == Xarakteristikası == Smartfon 1 QHz takt tezlikli prosessor, 2 QB daxili yaddaş və 32 QB tutuma qədər olan microSD kartları üçün slot, 5 meqapiksel kamera, ClearBlack texnologiyasından istifadə etməklə hazırlanmış Gorilla Glass qoruyucu şüşəsi ilə 3,2 düym AMOLED ekran, GPS, kompas, həmçinin Wi-Fi, Bluetooth və NFC modulları ilə təchiz edilib.

Nokia 701 — Nokia şirkəti tərəfindən istehsal olunan mobil telefon. == Xarakteristikası == Nokia 701-də ClearBlack texnologiyasının tətbiqi ilə 3.5 düym İPS ekran qurulub. O, 1 GHz takt tezlikli prosessor, videoəlaqə üçün ön kamera və əsas 8 meqapiksel kamera, verilənlərin saxlanılması üçün 8 giqabayt yaddaş və microSD (32 GB tutuma qədər) kartları üçün slot, Wi-Fi, NFC, Bluetooth, GPS modulları və FM radio qəbuledicisi ilə təchiz olunub.

Nokia E6 — Nokia şirkəti tərəfindən istehsal olunan mobil telefon. == Xarakteristikası == Qurğu monoblok korpusda hazırlanmış, 2,46 düym diaqonallı və 640×480 nöqtə kəskinlikli sensor ekran və QWERTY düzülüşlü klaviatura ilə təchiz edilib. Əməli yaddaşın tutumu 256 MB, birləşdirilmiş fləş daşıyıcının tutumu isə 8 QB təşkil edir. Smartfonun arsenalında — FM tüner, Bluetooth 3.0 və Wi-Fi-in (802.11b/g/n) simsiz əlaqə adapterləri, akselerometr, rəqəmli kompas, GPS peyk naviqasiya sistemi qəbuledicisi, yaxınlıq və işıqlanma dərəcəsi tənzimçiləri vardır. Telefon 8 meqapiksel kamera və 720p formatında video yazmaq imkanı ilə təchiz olunub. Nokia E6 modeli GSM/EDGE 850/900/1800/1900 MHz və WCDMA 850/900/1700/1900/2100 MHz şəbəkələrində istifadəyə hesablanıb.

== Dizayn == === Ölçüləri === Ölçü: 123,7 x 62,4 x 13,6 mm Çəki (akkumulyator ilə): 175 q Həcm: 97,8 kub. sm === Düymələr və daxil etmə metodları === QWERTY-klaviatura Ana düyməsi, Güc düyməsi, Kilid düyməsi, Kamera düyməsi, Səs düyməsi Mətn daxil etmə və UI-i kontrolun barmaq toxunuş dəstəyi ilə istifadəsi Ekranda tam əlifba-rəqəm klaviaturası Stilusa istifadə etmək imkanı Tam ekran əl yazısı tanıma Çin dili üçün xəttin tanınması === Görünüş === Anodlaşdırılmış alüminium korpus: boz (Dark Grey), gümüşü (Silver White), yaşıl (Green), göy (Blue) və narıncı (Orange).

Nokia N9 — Nokia korporasiyası tərəfindən istehsal olunan mobil telefon. == Xarakteristika == Smartfonun 16 qiqabaytlıq versiyası qara və mavi korpuslarda, 64 qiqabaytlıq isə qara korpusda olacaq. Çəhrayı rəngli korpusda olan smartfonun satışa çıxarılma müddəti haqqında məlumat verilmir. Nokia N9 Nokianın Linux nüvəsinə əsaslanan MeeGo platformasında ilk smartfonudur. MeeGo hazırlamasında Nokia və İntel şirkətləri iştirak edib. Aparat 1 QHz takt tezlikli prosessor istifadə edir və 3,9 düym ekran, Wi-Fi və GPS modulları, NFC (Near Field Communication, yaxın radiuslu radio əlaqə) çipi ilə təchiz edilib.

Nokia tune — "Nokia" şirkətinin öz istehsalı olan mobil telefonlar üçün istifadə edilən klassik melodiyası

Peste Noire (ing. Peste Noire) — qrup adını qara ölümdən götürmüşdür. PN La sale Famine de Valfunde tərəfindən Avignon da 2000-ci ildə yaradılmışdır. Bu günə qədər bütün mahnılar (Folkfuck Folie albumundakı La Césarienne mahnısından başqa) La sale Famine tərəfindən yazılıb. Qrup standart blək metal elementləri ilə milli fransız instrumentləri qarışığı musiqi ifa edir. Qrupun hazırladığı musiqi çox vaxt melodik və kədərli olur, uzun müddətli mahnıların yazılması üçün xaotik və aqressiv səslərə ehtiyac duyulmaqdadır. Qrupun adlandırılması zamanı bəzən P. N. və yaxud K. P. N formalarından istifadə edilməkdədir.

Nokia Asha seriyası Nokia tərəfindən istehsal edilən və bazara çıxarılan aşağı səviyyəli telefonların geniş çeşidinin bir hissəsi idi. "Asha" adı "ümid" mənasını verən hind sözündəndir. Nokia X seriyalı modelləri əvəz etdi. 3 sentyabr 2013-cü ildə Microsoft Nokia-nın mobil cihaz biznesini aldığını elan etdi (25 aprel 2014-cü ildə bağlanır). Şirkət daha əvvəl bildirmişdi ki, Asha-dan Windows Phone platforması üçün "lans" kimi istifadə etmək niyyətindədir. Bununla belə, 2014-cü ilin iyul ayında dərc edilmiş bir şirkət qeydi, ixtisarların bir hissəsi olaraq Microsoft-un Asha və Android əsaslı Nokia X platforma sistemləri ilə Nokia X ailəsi modellərini tamamilə dayandıracağını bildirdi; yalnız Microsoft Lumia (əvvəllər Nokia Lumia) Windows Telefonları və Nokia markalı "xüsusiyyətli telefon" məhsulları istehsal edəcəkdi.Microsoft Mobile bölməsi bunu edəcək.

Zeb-un Nisə Bəyim (d. 15 fevral 1658 - 26 may 1702) — ana tərəfindən Səfəvi sülaləsinə mənsub olan moğol şahzadəsi. O, Böyük Moğol imperiyasının imperatoru I Övrəngzibin əsas arvadı və imperatriçası Dilras Banu Bəyim Səfəvinin evliliyindən dünyaya gəlmişdir. O, həmçinin şair olmuş və Məxfi təxəllüsü altında şerlər yazmışdır. Ömrünün son 20 ilini atasının əmri ilə həbs edildiyi Səlimgarh qalasında keçirmişdir. Yazdığı şerlər ölümündən sonra toplanaraq Məxfi divanı adı altında yayımlanmışdır. == Həyatının erkən dövrü == === Dünyaya gəlməsi === Onun adınnı mənası "Qadının Gözəlliyi" anlamına gəlir. O, o zaman şahzadə olan Mudi-un-din (sonralar I ÖVrəngzib) ilə Dilras Banu Bəyimin ailəsində 15 fevral 1638-ci il tarixində Dəkkənin Dövlətabad şəhərində dünyaya gəlmişdir. Onun anası Dilras Banu Bəyim Övrəngzibin ilk və əsas arvadı idi və görkəmli Səfəvi sülaləsinə mənsub idi. Dilras Banu Bəyimin atası olan Bədiüzzaman Mirzə Səfəvinin ulu babası I İsmayıl idi.

Zinət-un Nisə Bəyim (5 oktyabr 1643, Övrəngabad – 7 may 1721, Dehli) — Böyük Moğol imperiyasının hökmdarı Övrəngziblə onun Səfəvi sülaləsindən olan birinci və əsas arvadı Dilras Banu Bəyimin evliliyindən dünyaya gələn ikinci qız şahzadə. O, atası tərəfindən fəxri titul olan Padşah Bəyim titulu ilə təltif edilmişdir. == Həyatı == Zinət-un Nisə Bəyimimn adının mənası "Qadınlar arasındakı zinət" deməkdir. O, 5 oktyabr 1643-cü ildə Övrəngabad şəhərində dünyaya gəlmişdir. Onun anası olan Dilras Banu Bəyim Səfəvi sülaləsinə mənsub idi. Dilras Banunun atası Bədiüzzaman Mirzə Səfəvinin nəsli I İsmayıla qədər gedib çıxırdı. Bu Səfəvi sülaləsi tirəsi I İsmayılın oğlu Bəhram Mirzədən ortaya çıxmışdı. Bədiüüzzaman Mirzə moğol sarayında Şahnəvaz xan adı ilə tanınmaqda və Qucarat vilayətini idarə etməkdə idi. O, ən güclü moğol əyanlarından biri idi. Zinət-un Nisə dünyaya gəldiyi zaman moğol imperatoru onun babası və V moğol hökmdarı olan Sultan Şahcahan idi.

Zubdat-un Nisə Bəyim (2 sentyabr 1651, Multan, Britaniya Hindistanı – 17 fevral 1707, Dehli) — Böyük Moğol imperatoru I Övrəngzibin üçüncü qızı və moğol şahzadəsi. Onun anası olan Dilras Banu Bəyim Səfəvi sülaləsinə mənsub olmuş və I İsmayılın soyundan gəlmişdir. == Həyatı == Zubdat-un Nisə Bəyim 2 sentyabr 1651-ci ildə Multanda dünyaya gəlmişdir. Bu zaman onun atası Övrəngzib hələ şahzadə idi. Ana Dilras Banu Bəyim olmuşdur. Yaxşı təhsil almış olan Zubdat İslam dininin təməl doktrinası üzərinə mükəmməl təhsil almışdı. Zubdat özünün əmisinin oğlu Şahzadə Sipihr Şükuhla 30 yanvar 1673-cü ildə evlənmişdir. Şahzadə Sipihr Şükuh Zubdatın böyük əmisi vəliəhd şahzadə Dara Şükuh və Nadirə Banu Bəyimin üçüncü oğlu idi. Evlilik qarşılığında ona 400 min rupu pul verilmişdi. Onların toy mərasimi Həmid Banu Bəyim tərəfindən təşkil edilmişdi.