EYVAN (evin, otağın qabaq və yan tərəfində binaya bitişik olan yer) Məcid əlində ov tüfəngi eyvanda görünür (H.Abbaszadə); ARTIRMA Güləbətin ancaq indi otaqla həyətin arasındakı balaca qaranlıq artırmadakı taxta kürsünü, üstündəki sabunlanmış paltarla dolu tası, yanındakı isti su buğlanan iri qazanı, yerdəki yuyulmamış paltarları gördü (M.İbrahimov); BALKON Ev sahibi balkonda stol qoyub, çay süfrəsi saldı (Mir Cəlal); SEYVAN Seyvanın qur ucada; Kor möhtac quru cada; Gülgəzin göz yaşından; Qalmadı quru cada (Bayatı); VERANDA Qəmər verandanı səliqəyə saldıqca mahnının sözlərini təkrar edir (S.Rəhimov).
Eyvan
Eyvan — İranın İlam ostanının şəhərlərindən və Eyvan şəhristanının mərkəzidir. 2006-cı ilin siyahıya alınması əsasında bu şəhər 27,752 nəfər və 6,010 ailədən ibarət idi.
Eyvan şəhristanı
Eyvan şəhristanı- İranın İlam ostanının şəhristanlarından biridir. Şəhristanın inzibati mərkəzi Eyvan şəhəridir. 2006-cı il əhalinin siyahıya alınmasına əsasən, şəhristanın əhalisi 47,380 nəfər və 10,040 ailədən ibarət idi.
Eyvan (memarlıq elementi)
Eyvan (Farsca: ایوان eyvān, ərəbcə: إيوان Iwan) üzəri daha çox tağlarla örtülmüş; Üç tərəfi bağlı, bir tərəfi tam açıq olan bir memarlıq elementidir. Eyvana İran memarlığında, Səlcuq və Osmanlı memarlığında tez-tez rast gəlinir.
Bakı eyvanları (film, 1986)
Bakı eyvanları qısametrajlı sənədli filmi rejissor Zaur Məhərrəmov tərəfindən 1986-cı ildə çəkilmişdir. "Azərbaycanfilm" kinostudiyasında istehsal edilmişdir. Film Bakı şəhərinə yaraşıq verən, memarlıq baxımından diqqəti cəlb edən, məhz şəhərə məxsus olan qədim Bakı eyvanlarından söhbət açır.
== Məzmun ==
Film Bakı şəhərinə yaraşıq verən, memarlıq baxımından diqqəti cəlb edən, məhz şəhərə məxsus olan qədim Bakı eyvanlarından söhbət açır.
