Baltanı və s. alətləri bərk qızdırıb suya salırlar. Bu zaman o, çox möhkəm olur və yaxşı kəsir. Buna ovxarla (Cəbrayılda avxarla) deyirlər. Bakı dialektində ağarranmaq feili var, “yanmaq” mənasını verir. Güman edirik ki, ovxarla və ağarran feilləri tarixən kökdaş olub. Anadolu türklərində ovxarla yerinə, tav sözü işlədilir və rus dilinə “закаливание железа” kimi tərcümə olunub. Onlar dəmirçi ocağı yerinə, tav ocağı işlədirlər. Sözün “islatmaq”, “sulamaq” mənaları da var. Görünür, ovxarlamaq sözünün əsl mənası “bərkitmək” deməkdir. İndi söz “itiləmək” mənasında işlədilir. (Bəşir Əhmədov. Etimologiya lüğəti)