RASTLAŞMAQ [Kəbirlinski] bir dəfə həyatda vedrə ilə su daşıyırdı, Feyzullayla pilləkəndə rastlaşdı (Anar); QABAQ-QABAĞA GƏLMƏK Qürbət bir şəhərin bazarında iki adam qabaq-qabağa gəlib birbirinə zənn ilə baxdılar (Çəmənzəminli); QARŞILAŞMAQ Firudin onlara tələbələrə fikir verməyib gəzmək istərkən Qurban Mərəndi ilə qarşılaşdı (M.İbrahimov); RAST GƏLMƏK Əbədiyyət pasportunu almısan son davada; Mən sənə rast gəlirəm Bakıda, Moskvada (S.Rüstəm); ÜZ-ÜZƏ GƏLMƏK Bir dəfə hətta, müsavat parlamentinə üzvlər seçilməyə hazırlıq apardığı zaman, partiyanın liderlərindən Məmmədəmin Rəsulzadə ilə üz-üzə gəldik (A.Şaiq).